Senesi 22:17 - Tosi Tapu

¹⁷ E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 22:17 ပူးပေါင်းရင်းမြစ်များ

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 15:5

Ti na taki loa e ia Apalamo ki fafo, o pati kiate ia : Tio ki le lagi, ti ke lau a fetuu, mo kapau e ke ma lau ia latou. Ti na pati loa a ia kiate ia : E fenaaki loa lou sakoga.

Senesi 17:6

E kau liuliuga loa a koe o lasi, e kau fakatupu loa meiate koe ni puleaga ; ti e tupu loa ni sau meiate koe.

Senesi 24:60

Na la tapuaki loa kia Lepeka, o pati kiate ia : Ei loma tuagaane, ke ke liliu ko le tinana o ni tino afe o miliate, ti ke pule lou sakoga ki le matapa o ona fili !

Senesi 25:11

I le oki o le mate o Apalaamo, na tapuaki loa le Atua kia Isaake, lona vosa. Na nofo a ia o ofi ki le sosoni o Lasai-Loi.

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 28:4

Ke tuku atu e ia kiate koe mo lou sakoga le tapuaki a Apalaamo, o tupu ke ke maua tofiga le fenua leia e ke nofo ai ofaipe se tagata matapule, leia kua soli e ia kia Apalaamo.

Senesi 32:12

Ti ko koe, na ke pati mai kiate au : E kau fai loa kiate koe le nea malie, ti e kau fakaliliu loa lou sakoga ke tatau mo le one o le tai, leia e leaise feala ke lau.

Senesi 32:13

Na nofo loa Sakopo i le pouli i le ganea lena. Na filifili loa e ia i nea ala na ofi kiate ia se moliga ki lona taina ko Esau :

Lua tosi a Samuele 17:11

Koia e kau manatu ke fakatasii fuli mai a Iselaele kiate koe, mei Tane o kaku ki Peele-Sepa, ke api ofaipe le one o le mata tai. Ti ko koe, ke ke saele totonu loa mo latou ki le tau.

Uluaki tosi o Sau 4:20

Na api ai a Suta mo Iselaele, o tatau mo le one leia i le mata tai. Na lotou kai, mo inu ti mo fakafiafia.

Uluaki tosi o Sau 9:26

Na fau loa e le sau ko Salomone ni vaka i Etesoni-Kepele, ofi ki Eloti, i le mata tai o le Tai Kula, i le fenua o Etome.

Uluaki tosi o Koloniko 27:23

Na leaise lau loa e Tavite le kakai o Iselaele ala na fetuu kau lua o ifo ki lalo, o tupu na fakapapau e le Eteleno ke fakakakai loa Iselaele ofaipe fetuu o le lagi.

Lua tosi o Koloniko 1:9

I le lakaga nei, Eteleno Atua, ke fakasoko lau fakapapau leia na ke fai kia Tavite, loku tamana, talie kua ke fakanofo au ke sau ki se kakai api ai ofaipe le efu o le kele !

Neemia 9:23

Na ke liuliuga loa olatou vosa ofaipe fetuu o le lagi, ti na ke fakaulu loa latou ki le fenua leia na ke fakasa ki olatou tamana, leia ke lotou maua tofiga.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Esaia 48:19

E fai loa lou sakoga pe le one o le mata tai, Ti ko fua o lou manava pe fiti o le one ; E leaise toe soloi loa lou igoa, pe puli loa i oku mua !

Selemia 32:22

Na ke soli kia latou le fenua leinei, Leia na ke fakapapau ki olatou tamana ke soli kia latou, Fenua leia e sali ai le sua u mo le meli.

Selemia 33:22

Ofaipe le one o le tai, leia e leaise mafai ke fuafua, Ti mo fetuu o le lagi, ala e leaise mafai ke lau, E kau liuliuga loa le sakoga o Tavite, laku tagata fakasausau, Ti mo le kau Levi leia e fai ia loku tausi.

Oseo 2:1

Kae e tatau loa le api o fanau a Iselaele mo le one o le tai, leia e leaise feala ke fua pe ke lau ; ti e leaise toe pati loa kia latou : E leaise ko loku kakai koutou ! Kae pati loa kia latou : Vosa o le Atua mauli !

Mikea 1:9

Talie e mamae lona lavea, E mafola a ia o kaku ki Suta, E ulu a ia o kaku ki le matapa o loku kakai, O kaku ki Selusalemi.

Loma 4:13

Talie na leaise fai le fakapapau ke tuku le tofiga o le malama nei kia Apalaamo pe ki lona sakoga, i le lao, kae i le faitotonu o le tui.

Loma 9:27

Kae na tagi a Esaia o uiga mo Iselaele : Ka api loa a vosa o Iselaele ofaipe le one o le tai, Efakamauli loa se ga toetoega.

Uluaki tosi ki le kau Kolinto 15:57

Kae ke tuku le fakafetai ki le Atua, leia kua soli ia kia tatou le malo i lotatou Aliki ko Sesu-Kilisito !

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Tetelonome 1:10

Kua fakaliuliuga koutou e le Eteleno, lokoutou Atua, ti kua kotou api i le aso nei o tatau mo fetuu o le lagi.

Tetelonome 1:11

Ke alofa le Eteleno, le Atua o okoutou tamana, o fakaapi koutou ke liuga tua afe ti mo tapuakii koutou o mulimuli ki lana fakapapau !

Tetelonome 10:22

Na ifo ou tamana ki Esipito ko le tino fitu lolatou api. I le aso nei kua fakaliliu a koe e le Eteleno, lou Atua, o tatau mo fetuu o le lagi.

Tetelonome 13:17

Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Tetelonome 13:18

mo kapau e ke fakalogo ki le leo o le Eteleno, lou Atua, o tausi ana folafola fuli ala e kau tuku atu kiate koe i le aso nei, ti mo fai le nea leia e malie ki mata o le Eteleno, lou Atua.

Tetelonome 21:19

e too loa a ia e le tamana mo le tinana, o ave ki le kau fakamatuatua o lona kolo, i le matapa o le ganea leia e nofo ai a ia.

Epelo 11:12

Koia leia, mei se tagata e tasi, kua popo foki lona tino, na tupu loa se sakoga toka api ofaipe fetuu o le lagi, ti mo le one o le mata tai leia e leaise feala ke lau.

Epelo 6:14

o pati : Ko le maoki e kau tapuaki loa kiate koe, ti e kau liuliuga loa lou sakoga.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.