Senesi 22:16 - Tosi Tapu

¹⁶ o pati : E kau fakapapau iate au totonu, folafola a le Eteleno ! Talie na ke fai le nea lena, ti na leaise ke fakafiti mai kiate au lou vosa, lou fuatasi,

Senesi 22:16 ပူးပေါင်းရင်းမြစ်များ

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Senesi 22:15

Na toe kalaga loa le aselo o le Eteleno mei lagi kia Apalaamo, ko lona tua lua a ia,

Senesi 22:2

Na pati loa le Atua : Too lou vosa, lou vosa fuatasi, leia e ke alofa ki ai, ko Isaake ; ano ki le fenua o Molisa, ti ke momoli loa a ia i le ganea lena ko se failaulau i aluga o se mauga leia e kau fakasa loa kiate koe.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 26:5

talie na fakalogo Apalaamo ki loku leo, ti na tausi e ia aku fakatotonu, mo aku fakatuutuu, mo aku lagiaki, mo aku lao.

Uluaki tosi o Koloniko 16:16

Mo le sai leia na fai e ia mo Apalaamo, Ti mo le fakapapau leia na fai e ia kia Isaake ;

Pesalemo 105:9

Le sai leia na fai e ia mo Apalaamo, Ti mo le fakapapau leia na fai e ia kia Isaake.

Ekesote 17:16

Ti na pati loa a ia : Talie na siki e Amaleke lona lima ki le ekeekeaga fakasau o le Eteleno, e fakapapau le Eteleno, e taui tuumau loa e le Eteleno a Amaleke, i tautupu mo tautupu.

Ekesote 2:24

Na logo loa le Atua ki alatou tagi, ti na manatui loa e ia lana fakapapau kia Apalaamo, mo Isaake, mo Sakopo.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Selemia 22:5

Kae kapau e leaise kotou fakalogo ki folafola anei, e kau fakapapau iate au totonu, e pati le Eteleno, e maumaui loa le fale leinei.

Selemia 44:26

Kotou fakalogo mai ki le folafola a le Eteleno, koutou fuli ko kakai o Suta ala e nonofo i le fenua o Esipito ! E pati le Eteleno : Ko leinei, e kau fakapapau i loku suafa taualuga, e leaise toe too loa loku suafa e le gutu o se tagata fuai e tasi o Suta, ti e leaise pati loa se tasi i le fenua katoa o Esipito : E mauli le Aliki, le Eteleno !

Selemia 49:13

Talie e kau fakapapau iate au totonu, e pati le Eteleno, E liliu loa Potesela ko se nea fakaofolele mo fakalumaluma, Ko se nea maumau mo fakamalaia, Ti e liliu loa ona kolo fuli ko ni tuuga nea maumau o lee gato.

Selemia 51:14

Na fakapapau le Eteleno o kau tau iate ia totonu : Io, e kau fakaapele loa a koe ki ni tagata ofaipe ni seseivaka ; Ti e lotou fai loa kiate koe ni kalaga tau.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Luka 1:73

O mulimuli ki le fakapapau leia na fai e ia kia Apalaamo, lotatou tamana,