Senesi 22:11 - Tosi Tapu

¹¹ Kae na kalaga loa le Aselo o le Eteleno mei lagi, o pati : Apalaamo ! Apalaamo ! Ti na tali loa a ia : Ko leinei au !

Senesi 22:11 ပူးပေါင်းရင်းမြစ်များ

Senesi 16:7

Na maua loa a ia e le aselo o le Eteleno i tafa o se matapuna vai i le toafa leia e tuu i le ala o Sua.

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 21:18

Tuu ki aluga, o too le toe, o kukumi a ia i lou lima ; talie e kau fakaliliu loa a ia ko se puleaga lasi.

Senesi 22:1

Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Senesi 22:10

Ti na falo loa e Apalaamo lona lima, o too le sele ke tamate ai lona vosa.

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Senesi 22:16

o pati : E kau fakapapau iate au totonu, folafola a le Eteleno ! Talie na ke fai le nea lena, ti na leaise ke fakafiti mai kiate au lou vosa, lou fuatasi,

Senesi 24:7

Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Senesi 31:11

Ti na pati mai loa le aselo o le Atua kiate au i le moe : Sakopo ! Na kau tali : Ko leinei au !

Senesi 37:13

Ti na pati loa Iselaele kia Sosefo : Pe leaise fagai e ou fetaina le kau manu i Siseme ? Au, talie e kau loto ke ke ano kia latou. Ti na tali loa a ia, ko leinei au !

Senesi 46:2

Ti na masau loa le Atua kia Iselaele i se moe miti i le pouli, o pati : Sakopo ! Sakopo ! Ti na tali loa Iselaele : Ko leinei au !

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Ekesote 3:2

Na sa loa le aselo o le Eteleno kiate ia i se ula mo se afi, i loto malie o se ga ulu vao. Na tio loa Moisese ; ti ko leinei, na ula le ulu vao katoa, kae na leaise okioki a ia.

Ekesote 3:4

Ti na tio loa le Eteleno kua afe Moisese ke tio ; ti na kalaga loa le Atua mei loto o le ulu vao, o pati : Moisese ! Moisese ! Ti na tali loa Moisese : Ko leinei au !

Esaia 6:8

Na kau logo loa ki le leo o le Aliki leia na pati : Ko ai ka kau kakau ia loa, ti ko ai ka saele loa kia matou ? Na kau tali loa : Ko leinei au, ke ke kakau au.

Gaoi 26:14

Ti na motou fetekai fuli loa ki le kele, ti na kau logo loa ki se leo leia na pati mai kiate au i le fakaepeleo : Saulo, Saulo, kolea e ke fakavelivelii ai au ? E faigataa loa kiate koe ke akasi ia a ukamea kakai o lou pule.

Gaoi 9:4

Na vilo loa a ia ki lalo, ti na logo loa a ia ki se leo leia e pati mai kiate ia : Saulo, Saulo, kolea e ke fakavelivelii ai au ?

Tuifakamaau 2:1

Na pale loa se aselo o le Eteleno mei Kilikale ki Pokimi, o pati : Na kau fakamavae koutou mei Esipito ti na kau aumai koutou ki le fenua leia na kau fakapapau ke soli ki okoutou tamana. Na kau fakasa loa kia latou : E leaise kau motusi loa i se aso laku fakapapau kia koutou,

Uluaki tosi a Samuele 3:10

Na au loa le Eteleno, o tuu, ti na fetapa loa a ia ofaipe la ake faiaga : Samuele, Samuele ! Ti na tali loa Samuele : Masau, talie e fakalogo atu lau tagata fakasausau.

Uluaki tosi a Samuele 3:4

Ti na fetapa loa le Eteleno kia Samuele. Na tali loa a ia : Ko leinei au !