Senesi 22:1 - Tosi Tapu

¹ Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Senesi 22:1 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 21:11

Na mamae ai le masau lena kia Apalaamo, talie ko lona vosa.

Senesi 22:11

Kae na kalaga loa le Aselo o le Eteleno mei lagi, o pati : Apalaamo ! Apalaamo ! Ti na tali loa a ia : Ko leinei au !

Senesi 22:7

Na pati loa Isaake kia Apalaamo lona tamana : Ei loku Tamana ! Na tali loa a ia : Ko leinei au, ei loku vosa ! Na toe pati loa Isaake : Ko leinei le afi mo le fafie, kae kofea loa le akeno ki le failaulau ?

Senesi 37:13

Ti na pati loa Iselaele kia Sosefo : Pe leaise fagai e ou fetaina le kau manu i Siseme ? Au, talie e kau loto ke ke ano kia latou. Ti na tali loa a ia, ko leinei au !

Senesi 46:2

Ti na masau loa le Atua kia Iselaele i se moe miti i le pouli, o pati : Sakopo ! Sakopo ! Ti na tali loa Iselaele : Ko leinei au !

Lua tosi a Samuele 24:1

Na toe mu le sausau o le Eteleno ki Iselaele, ti na fakavelii loa e ia Tavite kia latou, o pati : Ano, ti ke lau pe toka fia Iselaele mo Suta.

Lua tosi o Koloniko 32:31

Kae i le temi leia na kakau mai ai loa e le kau pule o Papilone ni tagata avelogo kiate ia ke afa logo o uiga mo le fakamailoga leia na soko i lona fenua, na tiaki loa a ia e le Atua ke asiasii ai a ia, o tupu ke iloa ai a nea fuli ala e maua i lona loto.

Pesalemo 11:5

E tilo e le Eteleno le loto o le tagata agatonu ; E vesia a ia ki le tagata agaveli mo leia e fiafia i le agamakeke.

Ekesote 16:4

Na pati loa le Eteleno kia Moisese : Ko leinei, e kau fakavilo ia loa kia koutou se pane mei le lagi. E ulu loa le kakai ki fafo, o tae le pane i aso taki tasi, o fakafuafua ki le nea leia e aoga ki lana kai. E kau tio loa i ai pe kotou fakalogo ki aku lao pe leai.

Ekesote 3:4

Ti na tio loa le Eteleno kua afe Moisese ke tio ; ti na kalaga loa le Atua mei loto o le ulu vao, o pati : Moisese ! Moisese ! Ti na tali loa Moisese : Ko leinei au !

Taagapati 17:3

E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Esaia 6:8

Na kau logo loa ki le leo o le Aliki leia na pati : Ko ai ka kau kakau ia loa, ti ko ai ka saele loa kia matou ? Na kau tali loa : Ko leinei au, ke ke kakau au.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Tetelonome 13:3

ke aua na ke fakalogo loa ki masau a le polofeta lena pe ko le tagata fai kikite lena, talie ko le Eteleno, lokoutou Atua, lena e asiasii ia koutou ke iloa pe kotou alofa ki le Eteleno, lokoutou Atua, i lokoutou loto katoa mo lokoutou laumalie katoa.

Tetelonome 8:16

leia na fagai ia a koe i le toafa ki le mane leia na leaise iloa e ou tamana, o tupu ke fakamamae ai a koe mo asiasii ai a koe, talie ke fai kiate koe se nea leia e malie loa ki muli.

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Epelo 11:17

Ko le tui leia na momoli ai loa e Apalaamo a Isaake, i lona asiasii, ti na momoli loa e ia lona vosa fuatasi, leia na tuku ki ai a fakapapau,

Sakopo 2:21

Ko Apalaamo lotatou tamana, pe na leaise fakamatatonu a ia e ana gaoi, i lana momoli lona vosa ko Isaake i le aletale ?

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Tuifakamaau 2:22

Kae e kau fakaaoga loa a puleaga ana ke asiasii ia Iselaele, ke iloa ai pe maoki pe loi, e fia mulimuli a fanau a Iselaele ki le leo o le Eteleno, ofaipe le nea leia na fai e olatou tamana.

Uluaki tosi a Samuele 3:4

Ti na fetapa loa le Eteleno kia Samuele. Na tali loa a ia : Ko leinei au !