Senesi 21:6 - Tosi Tapu

⁶ Ti na pati loa a Sala : Kua kau kata i le fiafia o tupu ko le Atua, ti ko leia e logo loa ki le igoa o Isaake e kata loa kiate au.

Senesi 21:6 ပူးပေါင်းရင်းမြစ်များ

Senesi 17:17

Na fakamapee loa Apalaamo o fakatau ona mata ki le kele ; ti na kata loa a ia, o pati i lona loto : E tupu feaki loa se vosa ki se tagata kua fetuu kau lelau ? Ti e faitoe feaki loa Sala, leia kua fetuu kau iva ?

Pesalemo 113:9

E soli e ia se fale ki le fafine leia e paa, E fakaliliu e ia a ia ko se tinana fiafia i loto malie o ana fanau. Kotou fakafetai ki le Eteleno !

Pesalemo 126:2

Koia na apele ai lomatou gutu i ni kalaga fakafiafia, Ti mo lomatou alelo i ni sua fakanekenekea ; Koia na pati ai i atu puleaga : Kua fai e le Eteleno kia latou ni nea lalasi !

Esaia 49:15

Pe galoi e se fafine lana fanau leia e fakau e ia ? Pe leaise alofa a ia ki le fua o lona manava ? Pe ka galoi loa e le tinana lana fanau, Ko au e leaise kau galoi loa a koe.

Esaia 49:21

Ti e ke pati loa i lou loto : Ko ai leia na fanaui ia latou kiate au ? Talie na kau sala fanau, na kau paa. Na ave popula au, na kapu au e loku avaga : ko ai na taupau ia latou ? Na kau nofo toka tasi : Ko latou anei, na lotou nonofo ifea ?

Esaia 54:1

Ke ke fakafiafia, fafine paa, a koe leia e leaise koi fanaunau ! Ke ke fakasa lou nekenekea mo lou fiafia, a koe leia e leaise koi mamae lou ganea ! Talie ko vosa o leia na tiakina e toka api ake loa I vosa o le fafine leia na avaga, e pati le Eteleno.

Selemia 20:15

Ke malaia le tagata leia na ave ia le logo lena ki loku tamana : Kua tupu se vosa kiate koe, Ke fakaapele ia a koe i le fiafia !

Luka 1:14

E liliu loa a ia kiate koe ko se tupuaga o se fiafia lasi, ti e fakafiafia loa se toka api i lona tupu.

Luka 1:58

Na logo loa ona kau vasaa fale mo ona kaiga kua fakasa e le Aliki lona manavaalofa kiate ia, ti na lotou fiafia loa mo ia.

Loma 12:15

Ke kotou fakafiafia mo latou e fiafia ; ke kotou tagi mo latou e tagi.

Epelo 11:11

Ko le tui leia na mafai ai e Sala, logo ai kua finematua, ke fanaui se sakoga, talie na tui a ia ki le agatonu o leia na fai ia le fakapapau.

Uluaki tosi a Samuele 1:26

Na pati loa Ana : Tilou, ei loku aliki, ofaipe le maoki e mauli loku laumalie, ei loku aliki, ko au ko le fafine leia na tuu i ou tafa i leinei, o faikole ki le Eteleno.