Senesi 21:23 - Tosi Tapu

²³ Fakapapau mai kiate au i le aso leinei, i le ganea leinei, i le suafa o le Atua, e leaise ke kakai loa au i se aso, pe ko aku fanau, pe ko fanau o aku fanau, ti e ke agamalie loa kiate au mo le fenua leinei leia e ke nofo ai, ofaipe loku agamalie kiate koe.

Senesi 21:23 ပူးပေါင်းရင်းမြစ်များ

Senesi 20:14

Na too loa e Apimeleke ni ovi, mo ni pipi, mo ni tagata fakasausau, mo ni fafine fakasausau, ti na soli loa e ia latou kia Apalaamo ; ti na toe liufaki loa e ia kiate ia lana avaga ko Sala.

Senesi 21:24

Ti na pati loa Apalaamo : E kau fakapapau atu a ia.

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Senesi 26:28

Ti na lotou tali loa kiate ia : E motou tio e nofo le Eteleno mo koe. Koia e motou pati ai : Ke tou fai se fakapapau i lou vasaa mo matou, ti ke tou fakamaoki fuli ki ai.

Senesi 31:44

Au, ta fai se sai, e koe mo au, ti ke tuu loa le nea lena ko se fakamaoki i lota vasaa.

Senesi 31:53

Ke tuu le Atua o Apalaamo mo Nakole ko le tui fakamaau ia taua. Na fakapapau loa Sakopo i le suafa o le Atua leia na i ki ai Isaake.

Senesi 39:3

Na tio loa lona pule na nofo le Eteleno mo ia, ti na fakamanuia loa e le Eteleno a nea fuli i ona lima.

Senesi 47:31

Ti na pati loa Sakopo : Fakapapau mai kiate au ! Ti na fakapapau ake loa Sosefo kiate ia. Ti na punou loa Iselaele ki le fugaulu o lona palepale.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Lua tosi ki le kau Kolinto 1:23

Kae e kau too le Atua ko se fakamaoki ki loku laumalie, e tupu ko loku alofa kia koutou, leia na leaise kau toe natu ai ki Kolinito ;

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Epelo 6:16

Talie e maoki e fakapapau a tagata i se tasi leia e lasi ake ia latou ; ti ko le fakapapau ko se fakamaoki a ia, leia e fakagato ia a visi fuli.

Sosue 2:12

I le aso nei, ke kolua fakapapau mai kiate au, i le suafa o le Eteleno, e kolua toe liufaki loa ki loku famili se alofa e tatau mo leia na kau maua kia koulua. Ke kolua tuku mai kiate au se fakamailoga leia e fakasa ai loa lokoulua agatonu.

Uluaki tosi a Samuele 20:13

ke tautea e le Eteleno a Sonatane i lona makeke katoa ! Ti kapau kua loto loku tamana ke fai kiate koe se nea veli, e kau fakasa atu loa a ia kiate koe, ti e kau tuku loa ke ke ano i le tokamalie ; ti ke nofo le Eteleno mo koe, ofaipe lana nofo mo loku tamana !

Uluaki tosi a Samuele 20:17

Ti na toe kole ake loa e Sonatane kia Tavite ke fakapapau ake i lona alofa kiate ia, talie na alofa Sonatane kiate ia ofaipe lona laumalie.

Uluaki tosi a Samuele 20:42

Na pati loa Sonatane kia Tavite : Ano i le tokamalie, ko leinei, kua ta fakapapau i mua o le Eteleno, o pati : Ke nofo tuumau le Eteleno i ota vasaa, i le vasa o loku sakoga mo lou sakoga !

Uluaki tosi a Samuele 30:15

Na pati loa Tavite kiate ia : Pe mafai ke ke taki au ki le fa solia lena ? Ti na tali loa a ia : Fakapapau mai kiate au i le suafa o le Atua e leaise ke tamate loa au ti e leaise ke ave loa au ki loku pule, ti e kau taki loa a koe ki le solia lena.