Senesi 21:12 - Tosi Tapu

¹² Kae na pati loa le Atua kia Apalaamo : Aua na mamae lou loto, o tupu ko le toe mo lau fafine fakasausau. Tuku kia Sala a nea fuli ala e kole atu loa e ia kiate koe ; talie ko Isaake leia e au loa mei ai lou sakoga totonu.

Senesi 21:12 ပူးပေါင်းရင်းမြစ်များ

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 17:21

Kae ko laku sai, e kau fai loa a ia mo Isaake, leia e fanaui loa e Sala kiate koe i le temi totonu leinei o le fetuu ka au.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Kalate 4:30

Kae kolea le pati a le Tosi ? Kapu le fafine popula mo lona vosa, talie e leaise mau tofiga fakatasi loa le vosa o le fafine popula mo le vosa o le fafine lauatea.

Epelo 11:18

ti na pati ki ai : Ia Isaake e ke maua loa se sakoga leia e fakaigoa loa ki lou igoa.

Uluaki tosi a Samuele 8:7

Na pati loa le Eteleno kia Samuele : Fakalogo ki le leo o le kakai i nea fuli ala e pati atu loa a ia ki ai ; talie e leaise ko koe leia e lotou tiaki, ko au leia e lotou tiaki, o tupu ke aua na kau toe pule kia latou.

Uluaki tosi a Samuele 8:9

Fakalogo ki lolatou leo ; kae ke ke tuku kia latou ni valoki, ti ke fakasasa kia latou ke lotou iloa a nea ala e tonu ke fai e le sau leia e pule loa kia latou.