Senesi 21:1 - Tosi Tapu

¹ Na manatu loa le Eteleno ki le nea leia na fakasa e ia kia Sala, ti na fakasoko loa e le Eteleno kia Sala lana fakapapau.

Senesi 21:1 ပူးပေါင်းရင်းမြစ်များ

Senesi 17:16

E kau tapuaki loa kiate ia, ti e kau soli loa kiate koe se vosa iate ia. E kau tapuaki loa kiate ia, ti e liliu loa a ia ko le tinana o ni puleaga ; e tupu loa meiate ia ni sau o ni kakai.

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 17:21

Kae ko laku sai, e kau fai loa a ia mo Isaake, leia e fanaui loa e Sala kiate koe i le temi totonu leinei o le fetuu ka au.

Senesi 18:10

Na pati loa se tasi o latou : E kau toe liliu mai loa kiate koe i le temi totonu leinei o le fetuu ka au ; ti ko leinei, e maua loa e lou avaga ko Sala se vosa. Na fakalogologo a Sala i le matapa o le falela leia na tuu i muli o Apalaamo.

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Senesi 24:36

Na fanaui foki e Sala, le avaga o loku aliki, i lona matua, se vosa ki loku aliki ; ti kua tuku e Apalaamo kiate ia ana nea fuli.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Lua tosi o Sau 4:17

Na tinae loa le fafine ti na fanaui loa e ia se tama i le temi totonu lena, i leia ake fetuu, ofai ki le nea leia na fakasa e Eliseo kiate ia.

Pesalemo 106:4

Eteleno, manatui au i lou alofa ki lou kakai ! Manatui au i lau tuku kiate ia lou tokoi,

Pesalemo 12:6

Ko leinei e pati le Eteleno : e kau tuu ki aluga, O tupu ko le kau mativa leia e fakavelivelii, Mo le kau gaegae leia e fetagisi, Ti e kau aumai le fakamauli kia latou ala e tekei ki se tua lima.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 3:16

Ke ke ano, ti ke fakatasi le kau matua o Iselaele, ti ke pati loa kia latou : Ko le Eteleno, le Atua o okoutou tamana, le Atua o Apalaamo, mo Isaake, mo Sakopo na sa mai kiate au. Ti na pati mai a ia : Kua kau tio kia koutou, ti kua kau tio ki le nea leia e fai kia koutou i Esipito,

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Mateo 24:35

E puli loa le lagi mo le kele, kae e leaise toe puli loa aku folafola.

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Luka 19:44

Ti e lotou maumaui katoa loa a koe, io, a koe mo lou kakai ; ti e leaise lotou tuku loa se fatu i aluga o se tasi a fatu, o tupu na leaise ke iloa le aso leia na fakatele ai kiate koe.

Kalate 4:23

Kae ko leia o le fafine popula na tupu a ia mei le kanofi, ti ko leia o le fafine lauatea na tupu a ia mei le fakapapau.

Kalate 4:28

Kia koutou, fetaina, ofaipe Isaake, ko fanau koutou o le fakapapau ;

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Lute 1:6

Ti na tuu ake loa Naomi, a ia mo ona fugao, ke lotou mavae i le fenua o Moape, talie na logo loa a ia i le fenua o Moape kua asiasi le Eteleno ki lona kakai ti kua soli e ia se pane kiate ia.

Uluaki tosi a Samuele 1:19

Na lotou tutuu ake loa i le usu, o atolasio ki le Eteleno, ti na lotou toe liliu loa ki lolatou fale i Lama. Na iloa loa e Elekana lana avaga ko Ana, ti na manatui loa a ia e le Eteleno.

Uluaki tosi a Samuele 2:21

Na tapuaki loa le Eteleno kia Ana, ti na faitoe loa a ia, ti na toe fanaui loa e ia a tamaliki e toka tolu mo taineliki e toka lua. Ti na tupu loa Samuele o lasi i mua o le Eteleno.