Senesi 20:7 - Tosi Tapu

⁷ I le aso nei, ke ke toe fakaliliu le fafine ki lona avaga ; talie ko se polofeta a ia, ti e faikole loa a ia kiate koe, ti e ke mauli loa. Kae kapau e leaise ke toe fakaliliu a ia, ke ke iloa e ke mate loa, a koe mo latou fuli ala e kau ki lou fale.

Senesi 20:7 ပူးပေါင်းရင်းမြစ်များ

Senesi 12:15

Ti na tio foki le kau aliki a Falaone ki le fafine ti na lotou viki loa a ia kia Falaone ; ti na ave loa le fafine ki le fale o Falaone.

Senesi 12:17

Kae na tautea loa e le Eteleno a Falaone mo lona fale ki ni malaia lalasi, o tupu ko Salai ko le avaga o Apalamo.

Senesi 2:17

kae e leaise ke kai loa ki le laakau o le iloa o le malie mo le veli, talie ko le aso leia e ke kai ai loa ki le laakau lena, e ke mate loa.

Senesi 20:18

Talie na fakapaa e le Eteleno a fafine fuli o le fale o Apimeleke, o tupu ko Sala, avaga o Apalaamo.

Senesi 20:3

Kae na sa loa le Atua i se moe miti kia Apimeleke i le pouli, o pati kiate ia : Ko leinei, e ke mate loa o tupu ko le fafine leia kua ke aga o too, talie e i ai lona avaga.

Senesi 20:8

Na tuu ake loa Apimeleke i le pogipogi usu o kalagai ana tagata fakasausau fuli, ti na fakamatala loa e ia kia latou a nea fuli ana ; ti na lotou i lasi ai.

Senesi 23:6

Aliki ! fakalogo mai kia matou : Ko se aliki a koe a le Atua i loto malie o matou ; ke ke faitalisa o tanu lou mate i se tanuma fua leia e ke loto ki ai i omatou tanuma ; e leaise tasi o matou e fakafiti atu loa kiate koe lona tanuma ke tanu ai lou mate.

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Uluaki tosi o Sau 13:6

Koia na masau loa le sau, o pati ki le tagata a le Atua : Kole ki le Eteleno, lou Atua, ti ke ulufaki au, o tupu ke mafai ke toe peluki loku lima. Na kole loa e le tagata a le Atua ki le Eteleno, ti na mafai loa e le sau ke toe peluki lona lima, leia na toe liliu loa ofaipe le masani.

Lua tosi o Sau 5:11

Na ita loa Naamane ti na ano loa a ia, o pati : Ko leinei, na kau pati : E ulu mai loa a ia kiate au, e au totonu loa a ia, e kalaga loa a ia ki le suafa o le Eteleno, lona Atua, e fafa loa lona lima ki le potu leia e masaki, ti e fakamauli loa e ia au.

Uluaki tosi o Koloniko 16:22

Aua na kotou fafa ki laku kau filifiliia, Ti aua na kotou fai se nea veli ki laku kau polofeta !

Lua tosi o Koloniko 30:18

Talie ko se kakai toka api, ia latou o Efalaimi, mo Manase, mo Isakale, ti mo Sapulone, na leaise fakamea, ti na lotou kai loa le Pasikate kae na leaise lotou mulimuli ki le nea leia e tuu i le tosi. Kae na faikole loa Esekiasi kia latou, o pati : Ke alofa le Eteleno, leia e agamalie,

Sopo 34:19

Leia e leaise tokaga fua ki le mamalu o le kau lalasi, Ti e leaise fakakesekese ia le tagata mou koloa mo le tagata mativa, Talie ko latou fuli ko gaoiaga o ona lima ?

Sopo 42:8

Kotou too i le lakaga nei ni pipi tagata e fitu mo ni akeno tagata e fitu, ti kotou ano ki laku tagata fakasausau ko Sopo, ti kotou momoli se failaulau o tupu ko koutou. E faikole loa laku tagata fakasausau ko Sopo o uiga mo koutou, ti ko loku alofa kia Sopo toka tasi leia e leaise kau tautea ai loa koutou o mulimuli ki lokoutou valelea ; talie na leaise kotou masau kiate au i le maoki, ofaipe laku tagata fakasausau ko Sopo.

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Ekesote 18:17

Na pati loa le tamana o le avaga o Moisese kiate ia : E leaise malie le nea leia e ke fai.

Ekesote 4:16

E fakasoko loa e ia au masau ki le kakai ; ti e liliu loa a ia kiate koe ko lou gutu, ti e ke liliu loa kiate ia ko le fakafofoga o le Atua.

Ekesote 7:1

Na pati loa le Eteleno kia Moisese : Tio, e kau fakaliliu a koe ko le Atua kia Falaone ; ti ko Alone, lou taokete, e liliu loa ko lau polofeta.

Selemia 14:11

Ti na pati mai le Eteleno kiate au : Aua na ke kole le malie o le kakai leinei.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 27:18

Kapau ko ni kau polofeta maoki latou, ti kapau e ia latou maoki le folafola a le Eteleno, ke lotou faikole ki le Eteleno o kau tau ke aua na fetuku ki Papilone a ipu ala na toe i le fale o le Eteleno, mo le fale o le sau o Suta, mo Selusalemi.

Esekiele 3:18

Ka kau pati loa ki le tagata agaveli : E ke mate loa ! kapau e leaise ke valoki loa a ia, kapau e leaise ke masau ke tafoki le tagata agaveli i lona ala veli ti ke saofaki ai lona mauli, e mate loa le tagata agaveli lena i lana agaveli, ti e kau afa atu loa kiate koe lona toto.

Esekiele 33:8

Kapau e kau pati ki le tagata agasala : Tagata agasala, e ke mate loa ! Kapau e leaise ke masau ke tafoki le tagata agasala i lona ala, e mate loa le tagata agasala lena i lana agasala, ti e kau afa loa lona toto kiate koe.

Levitiko 6:4

Ti e tatala loa e ia ona kofu, kae toe tui loa e ia ni iki ake a kofu ke ave ai le mugalafu ki fafo o le nofolaga, ki se ganea mea.

Levitiko 6:7

Ko leinei le lao ki le moliga nea kai. E momoli loa a ia e vosa o Alone ki le Eteleno, i mua o le aletale.

Gaoi 8:24

Na tali loa Simone : Kolua ulufaki au e koulua totonu ki le Aliki, ke aua na soko mai kiate au se nea i nea ala kua kolua masau ki ai.

Uluaki tosi ki le kau Kolinto 14:4

Ko leia e masau i masau kesekese e fakamakeke fua e ia a ia totonu ; kae ko leia e kikite e fakamakeke e ia le Ekelesia.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.

Uluaki tosi a Samuele 12:19

Ti na pati loa le kakai katoa kia Samuele : Faikole ki le Eteleno, lou Atua, o uiga mo au tagata fakasausau, ke aua na motou mamate ; talie na motou toe fakalasi amatou agasala, o kole se sau kia matou.

Uluaki tosi a Samuele 12:23

Ke mamao foki meiate au le agasala, o taofi laku faikole ki le Eteleno, o uiga mo koutou ! E kau ako loa kia koutou le ala malie mo sako.

Uluaki tosi a Samuele 7:5

Na pati loa Samuele : Kotou tanaki a Iselaele katoa ki Misipa, ti e kau faikole loa ki le Eteleno o uiga mo koutou. Ti na lotou fakatasi loa ki Misipa.

Uluaki tosi a Samuele 7:8

ti na lotou pati loa kia Samuele : Aua na toe gato lau tagi ki le Eteleno lotatou Atua o uiga mo matou, o tupu ke saofaki e ia matou i le lima o le kau Filisitini.