Senesi 20:5 - Tosi Tapu

⁵ Na pati mai le tagata kiate au : Ko loku tuagaane ! Ti na pati totonu le fafine : Ko loku tuagaane. Na kau fai le nea leinei i se loto sako mo ni lima mea.

Senesi 20:5 ပူးပေါင်းရင်းမြစ်များ

Senesi 12:13

E kau kole atu kiate koe ke ke pati loa, ko loku tuagaane a koe, o tupu ke lotou agamalie kiate au o tupu ko koe, ti ke lotou fakamauli loa au o tupu ko koe.

Senesi 20:13

I le aso leia na fakamavae ai au e le Atua mei le fale o loku tamana, na kau pati kia Sala : Ko leinei le kalasia leia e ke fai loa kiate au : I fenua fuli ala e ta ano loa ki ai, ke ke pati kiate au : ko loku tuagaane.

Senesi 20:16

Ti na pati loa a ia kia Sala : Ko leinei, e kau soli ki lou tuagaane ni fa piesi siliva e afe ; ko le fakamailoga a ia e fakamaoki ai loa ki lou fale katoa e ke mea i le nea leinei.

Uluaki tosi o Sau 9:4

Ti ko koe, kapau e ke saele loa i oku mua ofaipe le saele a Tavite, lou tamana, i le loto sako mo le agatonu, ke fai a nea fuli ala na kau fakatotonu kiate ia, ti kapau e ke taupau aku lao mo aku fakatotonu,

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Sopo 33:9

E kau mea, e leaise kau agasala, e kau saosaoa, e leaise maua iate au se agaveli.

Pesalemo 24:4

Ko leia e saosaoa ona lima ti e mea lona loto ; Ko leia e leaise tuku ia lona laumalie ki le loi, Ti e leaise fakapapau i le kaka.

Pesalemo 25:21

Ke puipui au e le saosaoa mo le agatonu, Talie e kau tuku laku amanaki malie kiate koe !

Pesalemo 26:6

E kau fanofano oku lima i le mea, Ti e kau ano ki tafa o lou aletale, Eteleno !

Pesalemo 7:8

Ke takatakai a koe e le fakatasiga a atu puleaga ! Pale ki aluga, ki ganea taualuga !

Pesalemo 7:9

E fakamaau e le Eteleno a atu puleaga : Fakamaau au, Eteleno, o mulimuli ki le faitotonu, O mulimuli ki loku maokioki mo loku mea !

Pesalemo 73:13

E maoki na leai sona aoga ke kau fakamea loku loto, Ti ke kau fufulu oku lima i le maokioki :

Pesalemo 78:72

Ti na fagai loa latou e Tavite i se loto agatonu, Ti na takitaki loa e ia latou ki ni lima poto.

Taagapati 11:3

E taki le tagata agatonu e lona agatonu, Kae e maumaui le tagata agaveli e lana agaveli.

Taagapati 20:7

E saele le tagata agatonu i lona faitotonu ; Manuia ana fanau i ona muli !

Taniela 6:22

Kua kakau mai e loku Atua lana aselo ke tapono ia a gutu o laione, ti na leaise lotou fai fua kiate au se nea veli, talie na leaise maua e ia saku sala i ona mua ; ti e felaaki foki i ou mua, ei sau, na leaise kau fai fua se sala.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Uluaki tosi ki le kau Tesalonika 2:10

E kotou fakamaoki, ti e fakamaoki foki le Atua, na motou mauli maokioki, mo faitotonu, ti mo lee mele i mua o koutou ala kua tui.

Uluaki tosi kia Timoteo 1:13

a au leia na nofo i mua ko se tagata fatituu ki le Atua, ko se tagata fakaveliveli, ko se tagata agamakeke. Kae na manavaalofa le Atua kiate au, talie na kau fai a nea ana i le fakapouli, talie na leaise kau tui ;

Sosue 22:22

Atua, Atua, le Eteleno, Atua, Atua, e iloa e le Eteleno, ti e iloa loa e Iselaele le tupuaga o le nea leia na matou aga o fai. Kapau na motou fai ia se patigataa, pe ko se agatuu ki le Eteleno, ti ke aua na toe fakamauli e ia matou i le aso nei !