Senesi 2:21 - Tosi Tapu

²¹ Koia na tuku ai loa e le Eteleno Atua se fia moe lasi ki le tagata, ti na moe loa a ia. Ti na too loa e ia sona ivi vakavaka e tasi, kae na toe tapono loa e ia le kanofi.

Senesi 2:21 ပူးပေါင်းရင်းမြစ်များ

Senesi 15:12

I le galo o le laa, na kaku loa se fia moe lasi kia Apalamo ; ti ko leinei na vilo loa kiate ia se i lasi mo se fakapouli lasi.

Sopo 33:15

E masau a ia i moe miti, mo nea ala e tio ki ai i le pouli, I le temi leia e moe mate ai a tagata, I le temi leia e lotou momoe ai i olatou moeaga.

Sopo 4:13

I le temi leia e gaoi ai le moe miti le fakakaukau, Mo ka kua tuku a tagata ki se moe loloto,

Taagapati 19:15

Ko le gasueveli e fakavilo ia ki tulemoe, Ti ko le laumalie leia e gasueveli e mamae loa i le fia kai.

Taniela 8:18

I le lolotoga o lana masau mai kiate au, na kau fakapulou oku mata ki le kele, ofaipe se tasi kua mata fakapouli. Ti na fafa mai loa a ia kiate au, ti na fakatuu loa e ia au ki aluga i le ganea leia na kau nofo ai.

Uluaki tosi ki le kau Kolinto 11:8

Talie na leaise too le tagata mei le fafine, kae ko le fafine leia na too mei le tagata ;

Uluaki tosi a Samuele 26:12

Na too loa e Tavite le tao mo le fa vai, ala na tuku i fugaulu o Saulo ; ti na la ano loa. Na leaise tio fua se tasi kia laua pe iloa se nea, talie na leaise ala fua se fa toka tasi, talie kua lotou moe mate, o tupu kua vilo kia latou se fia moe mei le Eteleno.