Senesi 2:17 - Tosi Tapu

¹⁷ kae e leaise ke kai loa ki le laakau o le iloa o le malie mo le veli, talie ko le aso leia e ke kai ai loa ki le laakau lena, e ke mate loa.

Senesi 2:17 ပူးပေါင်းရင်းမြစ်များ

Senesi 2:9

Ti na fakasosomo loa e le Eteleno Atua i le kele a laakau kesekese fuli e fulumalie ki le mata ti mo malie ki le kai. Ti na fakatuu loa e ia, i loto malie o le oloto, le laakau o le mauli mo le laakau o le iloa o le malie mo le veli.

Senesi 20:7

I le aso nei, ke ke toe fakaliliu le fafine ki lona avaga ; talie ko se polofeta a ia, ti e faikole loa a ia kiate koe, ti e ke mauli loa. Kae kapau e leaise ke toe fakaliliu a ia, ke ke iloa e ke mate loa, a koe mo latou fuli ala e kau ki lou fale.

Senesi 3:11

Ti na pati loa le Eteleno Atua : Ko ai na fakasa ia kiate koe e ke telefua ? Pe kua ke kai ki le laakau leia na kau tapui atu kiate koe ?

Senesi 3:17

Ti na pati loa a ia ki le tagata : O tupu na ke fakalogo ki le leo o lau avaga, ti na ke kai ki le fua o le laakau leia na kau fakatotonu atu kiate koe : E leaise ke kai loa ki ai ! E malaia loa le kele o tupu ko koe. E ke gaoi pakia loa ke maua ai lau nea kai i aso fuli o lou mauli.

Senesi 3:19

E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Uluaki tosi o Sau 2:37

Ke ke iloa ko le aso leia e ke mavae ai loa i le kolo, o fakalaka i le liua o Setolone, e ke mate loa ; e vilo loa lou toto ki lou fa ulu.

Uluaki tosi o Sau 2:42

Na kakau loa e le sau ke nake Simei kiate ia, ti na pati loa a ia kiate ia : Pe na leaise kau kakau a koe ke fakapapau i mua o le Eteleno, pe na leaise kau fai kiate koe le fakatotonu leinei : Ke ke iloa, i le aso leia e ke mavae ai i le kolo, e ke mate ai loa ? Pe na leaise ke tali mai kiate au : E malie kua kau logo ?

Selemia 26:8

Ti koi fakaoki e Selemia le fakasa o nea fuli ala na fakatotonu e le Eteleno kiate ia ke tuku ki le kakai katoa, na too loa e le kau faisakilifisio, mo le kau polofeta, mo le kakai katoa a Selemia, o pati : E ke mate loa !

Esekiele 18:13

Ti kapau e soli e ia lana paaga talie ke toe liufaki ake kiate ia mo se tupu, pe mauli loa le vosa lena ? Leai, e leaise mauli loa a ia ; kua fai e ia a nea fakalialia fuli ana ; e mate maoki loa a ia ! ti e vilo loa lona toto kiate ia !

Esekiele 18:32

E pati le Aliki, le Eteleno : E leaise kau loto ki le mate o leia e mate. Koia kotou tafoki, ti kotou mauli.

Esekiele 18:4

Ko leinei, ko laumalie fuli a aku, le laumalie o le vosa ofaipe le laumalie o le tamana, a aku le laumalie o leia mo le laumalie o leia ; ko le laumalie leia e agasala, ko ia leia e mate loa.

Esekiele 33:14

Ti kapau e kau pati ki le tagata agaveli : E ke mate loa ! - kae kapau e tafoki loa a ia i lana agaveli, o fai le nea leia e totonu mo maoki,

Esekiele 33:8

Kapau e kau pati ki le tagata agasala : Tagata agasala, e ke mate loa ! Kapau e leaise ke masau ke tafoki le tagata agasala i lona ala, e mate loa le tagata agasala lena i lana agasala, ti e kau afa loa lona toto kiate koe.

Numelo 26:65

Talie na pati le Eteleno : E lotou mamate loa i le toafa, ti e leaise toe loa se fa toka tasi, gato fai kia Kalepo, vosa o Sefune, mo Sosue, vosa o Nune.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Loma 6:16

Pe leaise kotou iloa ka kotou tuku koutou ke tausi ki se tasi o fakalogo kiate ia, e kotou popula ki leia e kotou fakalogo ki ai : pe ki le agasala leia e taki ia ki le mate, pe ki le fakalogo leia e taki ia ki le faitotonu ?

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 15:22

Ti na mamate a tagata fuli ia Atama, e tatau foki, e toe mauli loa a tagata fuli ia Kilisito,

Uluaki tosi ki le kau Kolinto 15:56

Ko le pule o le mate ko le agasala ; ti ko le makeke o le agasala ko le lao.

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Tetelonome 27:26

Ke malaia le tagata leia e leaise fakalogo loa ki folafola o le lao leinei, ti e leaise fai ia loa latou ! Ti e pati loa le kakai katoa : Amene !

Tetelonome 30:15

Ke ke tio, e kau tuku i le aso nei ki ou mua le mauli mo le malie, le mate mo le veli,

Tetelonome 30:19

E kau too i le aso nei ke fakamaoki kia koutou le lagi mo le kele : E kau tuku ki ou mua le mauli mo le mate, le tapuakina mo le malaia. Ke ke filifili le mauli, o tupu ke ke mauli, a koe mo lou sakoga,

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Uluaki tosi kia Timoteo 5:6

Kae ko le lokonui leia e mauli i fiafia fakamalama, kua mate a ia logo ai koi mauli.

Sakopo 1:15

Ti ka faitoe le oli, e fanaui loa e ia le agasala ; ti ka katoa le agasala, e fanaui loa e ia le mate.

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.

Apokalipisi 2:11

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ko leia e malo loa e leaise toe mamae loa a ia i le lua mate.

Apokalipisi 20:14

Ti na ti loa le mate mo le nofoaga o le kau mate ki le tai afi. Ko le lua mate ko le tai afi.

Apokalipisi 20:6

Manuia mo maokioki latou ala e kau i le uluaki toe tuuake ! E leaise toe maua loa e le lua mate se pule kia latou ; kae e lotou soko loa ko le kau tagata fai sakilifisio a le Atua mo Kilisito, ti e lotou sau loa mo ia i fetuu e afe.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Tuifakamaau 3:2

Na loto loa le Eteleno ke tau a tautupu foou o Iselaele, o tupu ke lotou ako ia le fai o le tau, tafito ala na leikiaise kau ki se tau i mua.

Uluaki tosi a Samuele 14:39

Talie e mauli le Eteleno, le saofakiaga o Iselaele ! Tatau aifai mo kapau na tupu le sala lena ko Sonatane, loku vosa, e mate loa a ia. Kae na leaise tali loa se tasi i le kakai katoa kiate ia.

Uluaki tosi a Samuele 14:44

Ti na pati loa Saulo : Ke tautea au e le Atua i lona makeke katoa, mo kapau e leaise ke mate loa, Sonatane !

Uluaki tosi a Samuele 20:31

Talie i le temi katoa leia e mauli ai loa le vosa o Isaia i le malama nei, e leaise i ai loa se fimalie kiate koe mo lou puleaga. I le lakaga nei, kakau se tasi ke ano, o afa mai a ia, mo aumai a ia kiate au, talie e tonu ke mate a ia.

Uluaki tosi a Samuele 22:16

Na pati loa le sau : E ke mate loa, Asimeleke, a koe mo le fale katoa o lou tamana.