Senesi 19:9 - Tosi Tapu

⁹ Na lotou pati loa : Soso kese ! Ti na lotou toe pati loa : Ko ia leinei na au ofaipe se matapule, ti kua loto a ia ke tui fakamaau kia tatou ! E malie, e motou fai loa kiate koe ke toe asili veli ake ia laua ana ! Ti na lotou tulei fakamakeke loa a Lote kae lotou fakafeofi ake loa ki le matapa ke lotou maumaui a ia.

Senesi 19:9 ပူးပေါင်းရင်းမြစ်များ

Senesi 11:6

Ti na pati loa le Eteleno : Ko leinei, e lotou nofo ko se kakai e tasi, ti e lotou masau ki se pati e tasi, ti ko leinei le nea kua lotou kamata fau ; i le temi nei e leaise nea leia e toe taofi ia loa latou i le fakasoko o nea fuli ala e lotou loto loa ki ai.

Senesi 13:12

Na nofo loa Apalamo i le fenua o Kanaane ; ti na nofo loa a Lote i kolo o le fenua laumalie, ti na fakatuu loa e ia ona falela o kaku ki Sotoma.

Ekesote 2:14

Ti na tali loa le tagata lena : Ko ai na fakanofo ia a koe ke pule mo tui fakamaau kia maua ? Pe ke loto foki ke ke toe tamate au ofaipe lau tamate le tagata Esipito ? Ti na i loa Moisese, o pati : E matala nei kua iloa le nea leinei !

Taagapati 14:16

E i le tagata poto ki le veli, o fakamamao mei ai, Kae e masau matasoka le vale talie e fanaki a ia kiate ia.

Taagapati 17:12

E malie ake le felavei mo se uluso fafine kua too ona uviki, I le felavei mo se tagata valea i lona temi valea.

Taagapati 27:3

E mamafa le fatu ti e mamafa le one ; Kae e mamafa ake le ita o le vale i leia mo leia.

Ekelesiasi 10:13

Ko le kamataaga o masau o lona gutu ko le valea, ti ko le fakaokiaga o lana masau ko se valea fakalialia.

Ekelesiasi 9:3

Ko leinei se tasi a veli i nea fuli ala e fai i le lalo laa : Ko leinei e i ai se ikuaga e tasi ki tagata fuli ; koia e apele ai le loto o vosa o le tagata i le agaveli, ti e nofo le valea i olatou loto i le lolotoga olatou mauli ; kae i le fakaoki e lotou ano ki le nofoaga o le kau mate. Talie ko ai e kese loa ?

Esaia 65:5

Leia e pati : Ano kese, Aua na ke fakafeofi mai kiate au, Talie e kau maokioki !… Ko nea ana ko se afu i oku pogoiisu, Ko se afi leia e leaise toe mate.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 6:15

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa le luma ; Koia e lotou vivilo fakatasi loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Esekiele 16:49

Ko leinei le agasala a Sotoma, lou ga taina : Na fia nealasi a ia, ti na mauli a ia i le koloa, ti na leaise tuania ia e ia se nea, a ia mo ona taineliki ; ti na leaise tokoi a ia ki le kau mativa mo le kau fakaaloalofa.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.

Uluaki tosi a Samuele 17:44

o toe pati : Au kiate au, ti e kau soli loa lou tino ke kai e manu lele o le lagi mo manu o faisaga.

Uluaki tosi a Samuele 2:16

Ti kapau na pati loa le tagata kiate ia : Koi oki loa le gako i le tutu, ti ke too loa le nea leia e ke loto loa ki ai, na tali loa le tagata fakasausau : Leai ! ke ke soli mai nei a ia kiate au, ti ka leai e kau too fakamakeke loa a ia.

Uluaki tosi a Samuele 25:17

Ko leinei, ke ke iloa le nea lena, ti ke ke tio pe kolea le nea leia e tonu ke fai, talie kua fakapapau le maumaui o lomatou pule mo lona fale katoa, ti kua lasi ai lona agaveli, ku se toa ke toe masau kiate ia.