Senesi 19:8 - Tosi Tapu

⁸ Ko leinei, e i ai oku taine e toka lua ala e leikiaise iloa ia ni tagata ; e kau aumai loa laua ki fafo nei, ti e kotou fai loa kia laua le nea leia e kotou loto ki ai. Kae ke aua na kotou fai se nea ki tagata anei talie kua la au o fakamalumalu i loku fale.

Senesi 19:8 ပူးပေါင်းရင်းမြစ်များ

Senesi 18:5

E kau ano loa o too se ga pane, ke fakamakeke ai lokoutou loto ; ti oki loa, tio kotou soko atu loa lokoutou fanoga ; talie kua kotou tau mai ki lakoutou tagata fakasausau. Na latou tali loa kiate ia : Fai le nea leia kua ke pati ki ai.

Senesi 19:7

Ti na pati loa a ia : Ei oku fetaina, e kau kole atu kia koutou ke aua na kotou fai le nea leia e veli !

Senesi 42:37

Na pati loa Lupeni ki lona tamana : E ke tamate loa oku vosa e lua mo kapau e leaise kau toe liuaki mai kiate koe lou vosa ko Pesamino ; tuku mai a ia kiate au, ti e kau toe liuaki mai loa a ia kiate koe.

Ekesote 32:22

Na tali loa Alone : Ke aua na ita loku aliki ! E ke iloa malie e koe totonu, e siga vave le kakai leinei ki le veli.

Taagapati 9:7

Ko leia e valoki ia le tagata gologolo e aumai ia le luma kiate ia, Ti ko leia e fakatonutonu ia le tagata agaveli e tali ia le lauveli.

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Maleko 9:6

Na leaise iloa e ia se masau ke fai, talie na lotou i lasi ai.

Loma 3:8

Ti kolea e leaise tou fai ai loa le veli o tupu ke soko ai se malie, ofaipe le pati a ni iki ala e lauveli mai kia matou ? E tonu le tautea o kakai ana.

Tuifakamaau 19:23

Na ulu loa le matua ki fafo, o pati kia latou : Ei oku fetaina, e kau kolekole atu kia koutou, ke aua na kotou fai loa le agasala fakalialia lena ! Ke aua na kotou fai loa le aga fakavalea lena ki le tagata leinei, talie kua ulu mai a ia ki loku loto fale.

Tuifakamaau 19:24

Kae ko leinei, e kau nofo mo loku taine koi taupoou, ti e nofo le tagata mo lona lua avaga ; e kau aumai loa laua ki fafo kia koutou, ti e kotou fai loa kia laua le nea leia e kotou loto ki ai, kae ke aua na kotou fai loa le nea fakalumaluma lena ki le tagata leinei.

Tuifakamaau 9:15

Ti na tali loa le laakau talatala ki laakau fuli : Kapau e kotou loto maoki loa ke kotou fakanofo au ke sau kia koutou, ti kotou au nei o fakamalumalu i oku lalo ; kapau e leai, ti e natu loa se afi i le laakau talatala o tutu loa a sete o Lipane.