Senesi 19:29 - Tosi Tapu

²⁹ I le aso leia na maumaui ai loa e le Atua a kolo o le fenua laumalie lena, na manatui loa e ia Apalaamo ; ti na fakamauli loa e ia a Lote mei le tutamaki leia na tautea ai e ia a kolo ala na fakatuu ai e Lote lona nofoaga.

Senesi 19:29 ပူးပေါင်းရင်းမြစ်များ

Senesi 11:27

Ko leinei le sakoga o Telake : Ko Telake na fakatupu ia loa Apalamo, mo Nakole, mo Alane. Na fakatupu loa e Alane a Lote.

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 30:22

Na manatui loa e le Atua a Lasele, ti na tali loa e ia lana kole, o fakafanaunau loa a ia.

Senesi 8:1

Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Neemia 13:14

Ei loku Atua, ke ke manatui au, o tupu ko le nea lena, ti ke aua na galo iate koe a gaoi malilie ala na kau fai ki le fale o loku Atua, ti mo nea ala e tonu ke taupau !

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Sopo 35:8

E veli fai lau agasala ki le tagata leia e tatau mo koe ; Ti e aoga fai lou maokioki ki le vosa o le tagata.

Pesalemo 105:42

Talie na manatui loa e ia lana folafola maokioki, Ti mo Apalaamo, lana tagata fakasausau.

Pesalemo 105:8

E manatui tuumau e ia lana sai, Ana fakapapau ki tautupu e afe,

Pesalemo 106:4

Eteleno, manatui au i lou alofa ki lou kakai ! Manatui au i lau tuku kiate ia lou tokoi,

Pesalemo 136:23

Ko ia leia na manatu loa kia tatou i le temi na tou mamae ai, Talie e lee gato lona manava alofa !

Pesalemo 145:20

E taupau e le Eteleno latou fuli ala e alofa kiate ia, Kae e maumaui e ia a tagata agaveveli fuli.

Pesalemo 25:7

Ke aua na ke manatui a sala o loku temi tupulaga ti mo aku agasala ; Ke ke manatui au o mulimuli ki lou manava alofa, O tupu ko lou agamalie, ei Eteleno !

Esekiele 14:16

Kae e maua loa i loto malie o le fenua lena a tagata ana e toka tolu, e kau mauli ! e pati le Aliki, le Eteleno, e leaise lotou saofaki loa ni vosa, pe ko ni taine ; e lotou saofaki loa latou tefua, kae e liliu loa le fenua ko se toafa.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Tetelonome 7:8

Kae na alofa le Eteleno kia koutou, ti na fakasoko e ia le fakapapau leia na fai e ia ki okoutou tamana. Koia na fakamavae ai koutou e le Eteleno ki lona lima makeke, ti na fakalauatea ai koutou e ia mei le popula, meia Falaone, sau o Esipito.

Tetelonome 9:27

Ke ke manatui au tagata fakasausau ko Apalaamo, mo Isaake, mo Sakopo. Ke aua na ke tio ki le patigataa o le kakai leinei, mo lona agaveli, mo lana agasala.

Tetelonome 9:5

Leai, e leaise se tupu ai ko lou maokioki mo le agatonu o lou loto leia e ke ulu ai loa o maua tofiga lolatou fenua ; kae e tupu ko le agaveli o puleaga ana leia e kapu ai latou e le Eteleno, lou Atua, i ou mua, ti ke fakamaoki ai le folafola leia na fakapapau e le Eteleno ki ou tamana, kia Apalaamo, mo Isaake, mo Sakopo.

Lua tosi a Petelo 2:7

ti kapau na fakamauli e ia a Lote, ko le tagata agatonu, leia na mamae lasi ai o tupu ko le mauli fakalialia o tagata agasala ana,