Senesi 19:25 - Tosi Tapu

²⁵ Na maumaui loa e le Eteleno a kolo ana e lua mo ola kakai fuli, ti mo le fenua laumalie katoa lena mo ona laakau fuli.

Senesi 19:25 ပူးပေါင်းရင်းမြစ်များ

Senesi 13:10

Na siki loa e Lote ona mata ki aluga, ti na tio loa a ia ki le fenua o le Solotane leia na laumalie katoa ti na fakavai katoa. O kaku ki Tesoa, i mua o le maumaui o Sotoma mo Komola e le Eteleno, na fai a ia pe se oloto a le Eteleno, na fai a ia pe le fenua o Esipito.

Senesi 13:12

Na nofo loa Apalamo i le fenua o Kanaane ; ti na nofo loa a Lote i kolo o le fenua laumalie, ti na fakatuu loa e ia ona falela o kaku ki Sotoma.

Senesi 14:3

Ko latou anei na fakatasi loa i le vaivailiua o Sitime, leia ko le tai Mate.

Pesalemo 107:34

Le kele mauli ko se kele kaka, O tupu ko le agaveli o lona kakai.

Esaia 13:19

Ti ko Papilone, le teuga o puleaga, Le fia tagataaga o le kau Kaletea, E fai loa pe Sotoma mo Komola, ala na maumaui e le Atua.

Selemia 20:16

Ke liliu le tagata lena ofaipe kolo Ala na maumaui fakaveliveli e le Eteleno ! Ke logo a ia ki ni tagi mamae i le usu, Ti mo ni kalaga tau i le lalatea !

Selemia 23:14

Kae i le kau polofeta o Selusalemi, na kau tio ki ni nea e toe fakalialia ake ; E lotou fai tono, e lotou saele i le loi. E lotou fakamakeke a lima o le kau agaveli, O tupu ke aua na tafoki mai kiate au se tasi ia latou i lana agaveli. Kua lotou fai fuli ki oku mata pe Sotoma, Ti kua fai le kakai o Selusalemi pe Komola.

Selemia 49:18

Ofaipe Sotoma mo Komola ti mo kolo i tafatafa, ala na maumaui, E pati le Eteleno, E leaise toe nofoi loa a ia, E leaise toe nofo loa i ai se tagata…

Selemia 50:40

Ofaipe Sotoma mo Komola, ti mo kolo i ola tafatafa, ala na maumaui e le Atua, E pati le Eteleno, E leaise toe nofoi loa a ia, E leaise toe liliu loa a ia ko se nofoaga fakatemi o se tagata.

Tagi laulau a Selemia 4:6

Kua lasi ake le tautea o le taine o loku kakai I leia o Sotoma, Leia na maumaui i se kemo o le mata, Kae na leaise teki le lima o se tasi kiate ia.

Esekiele 16:50

Na lotou liliu o fia nealasi, o lotou fai ni nea fakalialia i oku mua. Koia na kau fakapuli latou i laku tio ki le nea lena.

Amosi 4:11

Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Sofoni 2:9

Koia e pati ai le Eteleno o kau tau, le Atua o Iselaele : E kau mauli ! E fai loa Moape pe Sotoma, ti mo fanau a Amone pe Komola, Ko se ganea apele i vao talatala, ko se lameni patai, ko se toafa ki lee gato ; E maumaui loa a ia e le toega o loku kakai, E maua loa latou e le toega o loku puleaga.

Tetelonome 29:23

mo le vela katoa o le fenua leinei, leia e leaise maua loa i ai se pulapula, mo se fua, mo se mutie leia e somo, ofaipe le tutu o Sotoma mo Komola, mo Atema mo Sepoimi, ala na maumaui e le Eteleno i lona sausau mo lona finenonofo, -

Lua tosi a Petelo 2:6

kapau na tautea e ia ki le maumau, ti na fakaliliu e ia o mugalafu a kolo o Sotoma mo Komola, o tuku laua ofaipe se fakamaoki ki tagata agasala o le temi ka au,