Senesi 19:19 - Tosi Tapu

¹⁹ Ko leinei, kua ke alofa kiate au, ti kua ke fakasa le lasi o lou manava alofa kiate au i lau soli mai loku mauli. Kae ko au, e leaise mafai laku sola o kaku ki le mauga, talie e maua loa au e le tutamaki i mua, ti e kau mate loa.

Senesi 19:19 ပူးပေါင်းရင်းမြစ်များ

Senesi 12:13

E kau kole atu kiate koe ke ke pati loa, ko loku tuagaane a koe, o tupu ke lotou agamalie kiate au o tupu ko koe, ti ke lotou fakamauli loa au o tupu ko koe.

Senesi 19:18

Na pati loa a Lote kia laua : Oi ! leai, ei Aliki !

Senesi 19:20

Ko leinei, e ofi mai le kolo leinei ke kau sola ki ai, ti e ikiiki a ia. Oi ! Ke mafai laku sola ki ai… Pe leaise ikiiki a ia ?… ti ke kau mauli !

Senesi 19:30

Na mavae loa a Lote i Tesoa, o ano o nofo i le mauga mo ona taineliki e toka lua, talie na i loa a ia i le nofo i Tesoa. Na nofo loa a ia i se ana mo ona taineliki.

Senesi 39:4

Na malie ai Sosefo ki mata o lona pule, leia na fakagaoi ia loa a ia kiate ia, ti na fakanofo ia loa a ia ke pule ki lona fale, ti na tuku ia loa ki ona lima ana nea fuli.

Senesi 6:8

Kae na tio loa le Eteleno kia Noe ti na alofa loa a ia kiate ia.

Uluaki tosi o Sau 9:9

Ti e tali loa : Talie na lotou tiaki le Eteleno lolatou Atua, leia na fakamavae ia olatou tamana mei le fenua o Esipito, talie kua lotou pipiki ki ni atua kese, ti kua lotou tulolo i mua o atua ana mo tausi kia latou ; ko lena le tupuaga o le kakau mai e le Eteleno o malaia fuli ana kia latou.

Maleko 9:19

Na pati loa Sesu kia latou : Lanu tui gataa, e kaku loa kiafea laku nofo mo koutou ? E kaku loa kiafea laku katakii koutou ? Aumai le toe kiate au. Ti na aumai loa le toe kiate ia.

Luka 1:58

Na logo loa ona kau vasaa fale mo ona kaiga kua fakasa e le Aliki lona manavaalofa kiate ia, ti na lotou fiafia loa mo ia.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Uluaki tosi a Samuele 27:1

Na pati loa Tavite i lona loto : I se aso, e kau mate loa i le lima o Saulo ; e leaise nea leia e toe malie ake kiate au, kae e kau sola loa o saofaki loku mauli i le fenua o le kau Filisitini ; o tupu ke tuku ai e Saulo loku tuli i le fenua katoa o Iselaele ; ti e kau sao loa mei lona lima.