Senesi 19:14 - Tosi Tapu

¹⁴ Na ulu loa a Lote o masau ki ona fugao ala na avaga mo ona taine. Na pati loa a ia kia latou : Ke kotou tutuu ki aluga, ti ke kotou mavae i le ganea leinei, talie ka maumaui loa le kolo e le Eteleno. Kae na fai a ia kia latou pe se tasi leia e masau fakasuasua.

Senesi 19:14 ပူးပေါင်းရင်းမြစ်များ

Senesi 19:15

I le mafoa ake o le ao, na pati fakamakeke loa a aselo kia Lote ke ano la. Na la pati loa : Tuu ki aluga, too lau avaga mo ou taineliki e toka lua ala e nonofo i leinei, talie ke aua na ke mate i le maumaui o le kolo.

Senesi 19:17

I le oki o lolatou tuku ki le tua kolo, na pati loa se tasi o aselo kia Lote : Sola ke ke mauli ; ke aua na ke toe tio ki muli, ti ke aua na ke toe tuu i le laumalie ; kae ke ke sola ki le mauga talie ke aua na ke mate.

Senesi 19:22

Sola fakatavili ki ai, talie e leaise feala ke kau fai ia se nea kae e leikiaise ke kaku ki ai. Koia na tuku ai le igoa ko Tesoale ki le kolo ikiiki lena.

Lua tosi o Koloniko 30:10

Na ano loa le kau tagata avelogo i kolo fuli o le fenua o Efalaimi mo Manase, o kaku ki Sapulone. Kae na kakata mo gologolo kia latou.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Ekesote 12:31

I le po fai lena, na kalagai loa e Falaone a Moisese mo Alone, o pati kia laua : Kotou tutuu ki aluga, ti kotou mavae i loku kakai, a koutou mo fanau a Iselaele. Kotou ano, ti kotou tausi ki le Eteleno o mulimuli ki le nea leia na kolua pati mai ki ai.

Ekesote 9:21

Kae ko latou ala na leaise too fakamalotoloto ia le folafola a le Eteleno, na tuku ia loa alatou tagata fakasausau mo alatou kau manu i faisaga.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Selemia 20:7

Eteleno, na ke akonaki mai kiate au, ti na kau tui ki au folafola ; Na ke too au ki lou lima, ti na ke malo iate au. Ti kua kau liliu ko se nea fakagologolo i le aso katoa, Kua gologolo le fenua katoa kiate au.

Selemia 43:1

I le oki o le fakasa e Selemia ki le kakai katoa a folafola a le Eteleno, lolatou Atua, a folafola fuli ana na fakatotonu e le Eteleno, lolatou Atua, ke fakasa kia latou,

Selemia 43:2

Na pati loa kia Selemia a Asalia, vosa o Ose, mo Sokanane, vosa o Kalease, mo tagata fia nealasi fuli ana : E ke fakasa se loi : na leaise fakatotonu e le Eteleno, lomatou Atua, ke pati mai kia matou : Aua na kotou ano o nonofo i Esipito.

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Numelo 16:21

Kolua mavae kese i le fakatasi leinei, ti e kau tamate loa a ia i se temi e tasi.

Numelo 16:26

Na masau loa a ia ki le fakatasi, o pati : Ke kotou fakamamao mei falela o tagata agaveveli ana ti ke aua na kotou fafa fua ki se nea e tasi o alatou nea, ke aua na kotou mamate fakatasi loa mo latou, o tupu ko alatou agasala fuli.

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Mateo 1:18

Ko leinei loa le anoaga o le tupu o Sesu-Kilisito : Ko Malia, lona tinana, na fakatasi mo Sosefo, ti e i mua o lala nonofo fakatasi, na tinae a ia i le Laumalie Maokioki.

Mateo 9:24

na pati loa a ia kia latou : Kotou fakamamao kese atu ; talie e leaise mate le taine, kae e moe a ia. Ti na lotou gologolo loa kiate ia.

Luka 24:11

Na fai a nea ana ki le kau apositolo pe ni moe miti, ti na leaise lotou tui ki fakamatala a fafine.

Luka 9:42

I lana fakafeofi ake, na ti loa a ia e le temonio ki le kele, ti na lu fakaveliveli loa e ia a ia. Kae na valoki loa e Sesu le laumalie veli, ti na fakamauli loa e ia le toe, o tuku a ia ki lona tamana.

Gaoi 17:32

I lalatou logo ki le masau ki le toe tuuake o le kau mate, na gologolo loa a iki, kae na pati loa a iki : Koi motou toe logo loa ki ai i se tasi ake faiaga.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.