Senesi 18:5 - Tosi Tapu

⁵ E kau ano loa o too se ga pane, ke fakamakeke ai lokoutou loto ; ti oki loa, tio kotou soko atu loa lokoutou fanoga ; talie kua kotou tau mai ki lakoutou tagata fakasausau. Na latou tali loa kiate ia : Fai le nea leia kua ke pati ki ai.

Senesi 18:5 ပူးပေါင်းရင်းမြစ်များ

Senesi 18:6

Na fakavilivili loa Apalaamo o makape ki lona falela kia Sala, o pati : Vave, o too ni fua falina e tolu, ti ke lusi latou, o fai ni keke.

Senesi 19:8

Ko leinei, e i ai oku taine e toka lua ala e leikiaise iloa ia ni tagata ; e kau aumai loa laua ki fafo nei, ti e kotou fai loa kia laua le nea leia e kotou loto ki ai. Kae ke aua na kotou fai se nea ki tagata anei talie kua la au o fakamalumalu i loku fale.

Senesi 33:10

Ti na tali loa Sakopo : Leai, e kau kole atu kiate koe, kapau kua ke alofa kiate au, tali le moliga kua kau fai kiate koe. Talie kua kau tio ki ou mata ofaipe laku tio ki mata o le Atua, talie kua ke tali au i le loto malie.

Uluaki tosi o Sau 17:11

Ti na ano loa le fafine, o afa mai se ga vai. Na toe kalagai a ia e Elia, o pati : E kau kolekole atu kiate koe, ke ke aumai kiate au se ga pane i lou lima.

Pesalemo 104:15

Le vino leia e fakafiafia ia le loto o le tagata, Ti mo le lolo leia ke fakagigila ia ona mata, Ti mo le pane leia ke fakamakeke ia le mafu o le tagata.

Esaia 3:1

Ko leinei ka too loa e le Aliki, le Eteleno o kau tau, I Selusalemi mo Suta, A fanakiaga fuli mo tokoi fuli, Io, a tokoi fuli o le pane Ti mo tokoi fuli o le vai,

Mateo 6:11

Soli mai kia matou i le aso nei le pane o aso taki tasi ;

Tuifakamaau 13:15

Na pati loa Manoa ki le aselo o le Eteleno : Fakataga mai kia maua ke ma fakaafe a koe, ti ke ma teuteui kiate koe se koti muli.

Tuifakamaau 13:16

Na tali loa le aselo o le Eteleno kia Manoa : E logo ai kua ke fakaafe au, e leaise kau kai loa lau nea kai ; kae kapau e ke loto ke momoli loa se failaulau ki le Eteleno, ti ke fai a ia ! Na leaise iloa e Manoa ko le aselo a ia o le Eteleno.

Tuifakamaau 19:5

I le fa o aso, na la tuu ake loa ki aluga i le usu, ti na la malaga loa ke la ano. Kae na pati loa le tamana o le fafine tupulaga ki lona fugao : kai mua se ga pane ke fakamakeke ai lou mafu, ti kolua ano loa !

Tuifakamaau 6:18

Ke aua na ke fakamamao loa i le ganea leinei, o kaku ki laku toe liliu mai loa kiate koe i leinei, o aumai kiate koe laku moliga o tuku ki ou mua. Na tali loa le aselo o le Eteleno : E kau nofo loa o kaku ki lau toe liliu mai.

Tuifakamaau 6:19

Na ano loa a Seteone o teuteui se uviki koti ti mo ni keke sala fakatupu ki ni kilo falina e kau tolu. Na fafao loa e ia le kanoi manu ki se kete ti mo le sua ki se kulo, ti na ano loa a ia ki lalo o le sene, o momoli a nea ana ki le aselo o le Eteleno.