Senesi 18:32 - Tosi Tapu

³² Na toe pati loa Apalaamo : Ke aua na ita le Eteleno, ti e kau masau fakaoki loa i le faiaga nei. Ti kapau e maua loa i ai ni tagata agatonu fua e tino agafulu. Ti na pati loa le Eteleno : E leaise kau maumaui loa a ia, o tupu ko tagata agatonu ana e tino agafulu.

Senesi 18:32 ပူးပေါင်းရင်းမြစ်များ

Senesi 18:30

Na toe pati loa Apalaamo : Ke aua na ita le Eteleno, ti e kau toe masau loa. Ti kapau e maua loa i le kolo ni tagata agatonu fua e tino tolu. Ti na pati loa le Eteleno : E leaise kau fai loa se nea, mo kapau e kau maua ni tagata agatonu fua e tino tolu.

Senesi 18:31

Na toe pati loa Apalaamo : Ko leinei, kua kau toa i le masau ki le Aliki. Ti kapau e maua loa i le kolo ni tagata agatonu e tino lua. Ti na pati loa le Eteleno : E leaise kau maumaui loa a ia, o tupu ko le tino lua lena.

Senesi 44:18

Ti na fakafeofi ake loa Suta kia Sosefo, o pati : Alofa mai ei loku aliki, o fakataga ki lau tagata fakasausau ke masau ki loku aliki, ti ke aua na vilo lona ita ki lana tagata fakasausau, talie e ke tatau mo Falaone !

Sopo 33:23

Kae kapau e maua loa e ia se aselo ulufaga i ona tafa, Se tasi o tino afe Ala e fakasa ia ki le tagata le ala leia e tonu ke muli ai,

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Ekesote 32:14

Ti na fakasemala loa le Eteleno ki le veli leia na fakasa e ia, leia na loto a ia ke fai ki lona kakai.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Esaia 65:8

Ko leinei le folafola a le Eteleno : Ka maua se fui vite malie, ti e pati : Aua na maumaui a ia, Talie ko se tapuakina a ia ! E kau toe fai felaaki loa, o tupu ko loku alofa ki aku tagata fakasausau, Ke aua na maumaui nea fuli.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mateo 7:7

Kotou kole, ti e soli atu loa kia koutou ; kotou afa, ti e kotou maua loa ; kotou fitifiti, ti e fakamavaa atu loa kia koutou.

Efeso 3:20

Koia, ki leia e mafai ke fai ia o lasi maumau ake i nea fuli ala e tou kole pe tou manatu ki ai, i le makeke leia e gaoi ia tatou,

Tuifakamaau 6:39

Na toe pati loa Seteone ki le Atua : Ke aua se ke ita loa kiate au, mo kapau e kau toe fai loa kiate koe le kole fakaoki leinei : Ke malo tefua loa le fului ovi, kae susu fuli loa le kele i le sasau.