Senesi 18:30 - Tosi Tapu

³⁰ Na toe pati loa Apalaamo : Ke aua na ita le Eteleno, ti e kau toe masau loa. Ti kapau e maua loa i le kolo ni tagata agatonu fua e tino tolu. Ti na pati loa le Eteleno : E leaise kau fai loa se nea, mo kapau e kau maua ni tagata agatonu fua e tino tolu.

Senesi 18:30 ပူးပေါင်းရင်းမြစ်များ

Senesi 18:29

Na toe masau loa Apalaamo kiate ia, o pati : Ti kapau e maua loa i le kolo ni tagata agatonu fua e tino fa. Ti na pati loa le Eteleno : E leaise kau fai loa se nea, o tupu ko le tino fa lena.

Senesi 18:31

Na toe pati loa Apalaamo : Ko leinei, kua kau toa i le masau ki le Aliki. Ti kapau e maua loa i le kolo ni tagata agatonu e tino lua. Ti na pati loa le Eteleno : E leaise kau maumaui loa a ia, o tupu ko le tino lua lena.

Senesi 44:18

Ti na fakafeofi ake loa Suta kia Sosefo, o pati : Alofa mai ei loku aliki, o fakataga ki lau tagata fakasausau ke masau ki loku aliki, ti ke aua na vilo lona ita ki lana tagata fakasausau, talie e ke tatau mo Falaone !

Sopo 40:4

Pe makeke lou lima ofaipe le lima o le Atua, Mo lou leo ofaipe lona leo ?

Pesalemo 10:17

Ei Eteleno, logo ki fakaamu a latou e mamae ! E ke fakamakeke olatou loto ; e ke tokaga lou taliga kia latou,

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Pesalemo 9:12

Kotou sua ki le Eteleno, leia e nofo i Sione ; Kotou fakasa ana gaoi i lotolotoga o atu puleaga !

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Tuifakamaau 6:39

Na toe pati loa Seteone ki le Atua : Ke aua se ke ita loa kiate au, mo kapau e kau toe fai loa kiate koe le kole fakaoki leinei : Ke malo tefua loa le fului ovi, kae susu fuli loa le kele i le sasau.