Senesi 18:3 - Tosi Tapu

³ Ti na pati loa a ia : Ei loku Aliki, kapau kua kau maua se kalasia i ou mua, ti ke alofa mai o leaise ke fakasili i lau tagata fakasausau.

Senesi 18:3 ပူးပေါင်းရင်းမြစ်များ

Senesi 18:2

Na siki ake loa e ia ona mata, o tio : ti ko leinei, kua tutuu ni tagata e toka tolu o ofi kiate ia. I lana tio kia latou, na makape loa a ia ki olatou mua, mei le matapa o le falela, o punou ki le kele.

Senesi 18:4

Tali ke aumai se ga vai ke fufulu ai okoutou vae ; ti mo kotou malolo mua i le lalo laakau leinei.

Senesi 24:31

Ti na pati loa a ia : Au, ei tapuakina a le Eteleno ! Kolea e ke nofo ai i fafo ? Kua kau teuteui le fale, mo se nofoaga ki au kamelo.

Senesi 32:5

Kua kau maua ni aku kau pipi, mo ni kau asino, mo ni kau ovi, mo ni kau tagata fakasausau, mo ni kau fafine fakasausau ; ti e kau kakau atu kiate koe ni tagata avelogo ke fakasa ki loku aliki le nea lena, o tupu ke ke tali malie lau tagata fakasausau.

Senesi 39:4

Na malie ai Sosefo ki mata o lona pule, leia na fakagaoi ia loa a ia kiate ia, ti na fakanofo ia loa a ia ke pule ki lona fale, ti na tuku ia loa ki ona lima ana nea fuli.

Tuifakamaau 6:18

Ke aua na ke fakamamao loa i le ganea leinei, o kaku ki laku toe liliu mai loa kiate koe i leinei, o aumai kiate koe laku moliga o tuku ki ou mua. Na tali loa le aselo o le Eteleno : E kau nofo loa o kaku ki lau toe liliu mai.

Tuifakamaau 6:19

Na ano loa a Seteone o teuteui se uviki koti ti mo ni keke sala fakatupu ki ni kilo falina e kau tolu. Na fafao loa e ia le kanoi manu ki se kete ti mo le sua ki se kulo, ti na ano loa a ia ki lalo o le sene, o momoli a nea ana ki le aselo o le Eteleno.

Tuifakamaau 6:20

Na pati loa le aselo o le Atua kiate ia : Too le kanoi manu mo pane sala fakatupu, ti ke teki latou ki aluga o le fatu leinei, ti ke liligi le sua i aluga. Ti na fai loa e Seteone ki ai.