Senesi 18:25 - Tosi Tapu

²⁵ E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Senesi 18:25 ပူးပေါင်းရင်းမြစ်များ

Senesi 18:24

Ti kapau e maua loa i le kolo ni tagata agatonu e kau lima : pe ke tamate loa mo latou, pe leaise ke fakamolemole loa ki le kolo o tupu ko le kau tagata agatonu lena e kau lima e maua i le kolo ?

Uluaki tosi o Koloniko 16:33

Ke pa kalaga fakafiafia a laakau o le vao I mua o le Eteleno ! Talie e saele mai a ia ke fakamaaui le malama nei.

Lua tosi o Koloniko 19:7

I le lakaga nei, ke nofo ia koutou le i ki le Eteleno, ti ke kotou tokaga ki lakoutou gaoi, talie e leaise maua i le Eteleno, lotatou Atua, se agaveli, mo se filifili mata ki tagata, ti mo se tali o ni nea alofa.

Neemia 9:33

Na ke faitotonu i nea fuli ala na soko kia matou, talie na ke agatonu kae na motou fai le nea leia e veli.

Sopo 34:10

Kotou fakalogo mai, koutou ala e maua ia se atamai malie ! E mamao ai i le Atua le nea e sala, E mamao ai i le Mafimafi le agaveli !

Sopo 34:12

E leaise fai e le Atua le nea leia e veli ; Ti e leaise maumaui e le Mafimafi le faitotonu.

Sopo 8:20

Leai, e leaise tiaki e le Atua le tagata agatonu, Ti e leaise puipui e ia le tagata agasala.

Sopo 8:3

Pe fulusi loa e le Atua le lao ? Pe fulusi loa e le Mafimafi le faitotonu ?

Pesalemo 50:6

Ti e fakasa loa e le atu lagi lona faitotonu, Talie ko le Atua leia e tui fakamaau. - Manava.

Pesalemo 58:11

E fiafia loa le tagata agatonu i lana tio ki le totogi ; E fufulu loa e ia ona vae i le toto o le kau agaveli.

Pesalemo 7:12

Ko le Atua ko se tui fakamaau faitotonu, Ti e itaita le Atua ki le kau agaveli i temi fuli.

Pesalemo 75:3

I le aso leia na kau fakatotonu, E kau fakamaau loa i le maoki.

Pesalemo 94:2

Ke ke tuu ki aluga, a koe ko le tui fakamaau o le malama nei ! Ke ke liufaki ki le kau fia nealasi o mulimuli ki alatou gaoi !

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Ekelesiasi 3:17

Na kau pati i loku loto : E fakamaaui loa e le Atua le tagata agatonu mo le tagata agaveli ; talie e i ai se temi ke fakamaaui ai a nea fuli ti mo gaoi fuli.

Ekelesiasi 7:15

I le ga temi toetoe o loku mauli na kau tio ki nea fuli ana. E i ai se tagata leia na agatonu, kae kua mate a ia mo lona maokioki, ti e ia se tasi leia na agaveli, kae na tologa lona mauli.

Selemia 11:20

Kae ko le Eteleno o kau tau ko se tui fakamaau faitotonu, Leia e iloa ia o kaku ki ifiifi mo mafu. E kau tio loa ki le vilo o lou sausau kia latou, Talie ko koe leia e kau tuku ki ai loku mauli.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Esekiele 18:25

E kotou pati : E leaise sako le ala o le Aliki. Koia ke kotou fakalogo mai, fale o Iselaele ! Pe ko loku ala leia e leaise sako ? Pe leaise ko okoutou ala ala e leaise sako ?

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Tetelonome 1:16

Na kau tuku loa, i le temi lena, le fakatotonu leinei ki okoutou tui fakamaau : ke kotou fakalogo ki okoutou fetaina, ti ke kotou fakamaaui i le faitotonu a visi a le tagata mo lona taina pe ko se tagata matapule.

Tetelonome 1:17

Ke aua na kotou tiotio tagata i se fakamaau ; ke kotou logo fakatatau ki leia e ikiiki mo leia e lasi ; ke aua na kotou i ki se tagata, talie e kotou fakamaaui i le suafa o le Atua. Ti kapau e faigataa loa se nea kia koutou, ke kotou aumai loa a ia kiate au, ke kau logo ki ai.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Epelo 12:23

ki le fakatasi o le kau uluaki tupu ala kua tosi i le atu lagi, ki le tui fakamaau leia ko le Atua o tagata fuli, ki laumalie o le kau agatonu ala kua kaku ki le malie tukupau,

Tuifakamaau 11:27

E leaise ko au leia kua agaveli kiate koe, ko koe leia kua agaveli mai kiate au, o taui au. Ke tuu i le aso nei le Eteleno, leia ko le tui fakamaau o tagata fuli, o fakamaaui a fanau a Iselaele mo fanau a Amone !