Senesi 18:23 - Tosi Tapu

²³ Na fakafeofi loa Apalaamo kiate ia, o pati : Pe ke tamate loa le tagata agatonu mo le tagata agasala ?

Senesi 18:23 ပူးပေါင်းရင်းမြစ်များ

Senesi 18:24

Ti kapau e maua loa i le kolo ni tagata agatonu e kau lima : pe ke tamate loa mo latou, pe leaise ke fakamolemole loa ki le kolo o tupu ko le kau tagata agatonu lena e kau lima e maua i le kolo ?

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Senesi 20:4

Ko Apimeleke, leia na leikiaise fakafeofi kia Sala, na tali loa : Aliki, pe ke tamate loa se puleaga agatonu ?

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Sopo 34:17

Pe mafai ke pule se tasi leia e vesia ki le faitotonu ? Pe ke fakalakasala loa le fa toka tasi leia e faitotonu mo mafimafi,

Sopo 8:3

Pe fulusi loa e le Atua le lao ? Pe fulusi loa e le Mafimafi le faitotonu ?

Pesalemo 73:28

Kiate au, ko laku fakafeofi ki le Atua, ko lena loku koloa : E kau fakatuu loku mumuniaga i le Aliki, le Eteleno, O tupu ke fakamatala au gaoiaga fuli.

Ekesote 23:7

Aua na ke tuku ia loa lou taliga ki ni loi, ti aua na ke fakatuaa loa ki le mate le tagata leia na leaise sala mo le tagata faitotonu ; talie ko au ko le Eteleno, e leaise kau fakamolemole loa ki le tagata leia e sala.

Selemia 30:21

E au loa lona pule mei lona manava, E ulu loa meiate ia leia e takitaki ia loa a ia. E kau fakafeofi mai loa a ia kiate au, ti e au loa a ia kiate au ; Talie ko ai e toa loa i le fakafeofi toka tasi mai kiate au ? E pati le Eteleno.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Sakopo 5:17

Ko Elia ko se tagata na natula tasi mo tatou : Na faikole fakamalotoloto loa a ia ke aua na to se ua, ti na leaise to loa se ua ki le kele i fetuu e tolu mo masina e ono.