Senesi 18:21 - Tosi Tapu

²¹ Koia e kau ifo loa, o tio totonu pe maoki kua latou fai a nea fuli o mulimuli ki le tagi leia kua kaku mai kiate au ; ti kapau e leaise maoki, ti e kau iloa loa a ia.

Senesi 18:21 ပူးပေါင်းရင်းမြစ်များ

Senesi 11:5

Na ifo loa le Eteleno o tio ki le kolo mo le tule leia na fakatuu e vosa o tagata.

Senesi 11:7

Koia tou ifo o veuki ai lalatou masau, ke aua na lotou toe felogoi ia latou.

Senesi 18:17

Ti na pati loa le Eteleno : Pe kau fufu loa kia Apalaamo le nea leia ka kau fai ?…

Senesi 6:12

Na tio loa le Atua ki le malama nei, ti ko leinei, kua veli ai a ia ; talie kua fakalialia a ala o tagata fuli i le malama nei.

Sopo 34:22

E leaise mafai ke fufu e le fakapouli pe ko le malu o le mate Latou ala e fai ia le agaveli.

Pesalemo 14:2

E tio le Eteleno mei aluga o le lagi ki vosa o le tagata, Ke tio ki se tasi leia e atamai, Leia e afa ia le Atua.

Pesalemo 90:8

E ke tuku i ou mua amatou agaveli, Ti e ke fakasa ki le malama o ou mata amatou agasala na fufu.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Ekesote 33:5

Ti na pati loa le Eteleno kia Moisese : Pati ki fanau a Iselaele : Ko se kakai ua fefeka koutou ; kapau e kau ano i se ga temi ikiiki fua i loto malie o koutou, e kau fakapuli loa koutou. Koia ke kotou tatala ai okoutou nea fakateuteu, ti e kau tio loa pe kolea le nea leia e kau fai loa kia koutou.

Selemia 17:1

Kua tosi le agasala a Suta ki se peni ukamea, Ki se matai taimane ; Kua tosi a ia i le laupapa o lolatou loto, Ti mo tala o okoutou aletale.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Sonasi 1:2

Ke ke tuu ki aluga, o ano ki Ninive, ki le kolo lasi, ti ke kalaga ki ai ! Talie kua kaku mai ki oku mua lana agaveli.

Mikea 1:3

Talie ko leinei, e ulu mai le Eteleno mei lona nofoaga, E ifo mai a ia, e saele a ia i potu taualuga o le kele.

Sofoni 1:12

I le aso lena, e kau ina loa Selusalemi ki ni malama, Ti e kau tautea loa a tagata ala e malolo fakafimalie ofaipe le takele o le vino i le fa poe, Ti e pati i olatou loto : E leaise fai e le Eteleno se malie pe ko se veli.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Lua tosi ki le kau Kolinto 11:11

O tupu kolea ?… Talie e leaise kau alofa kia koutou ?… E iloa a ia e le Atua !

Tetelonome 13:3

ke aua na ke fakalogo loa ki masau a le polofeta lena pe ko le tagata fai kikite lena, talie ko le Eteleno, lokoutou Atua, lena e asiasii ia koutou ke iloa pe kotou alofa ki le Eteleno, lokoutou Atua, i lokoutou loto katoa mo lokoutou laumalie katoa.

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Uluaki tosi ki le kau Tesalonika 4:16

Talie e ifo loa le Aliki totonu mei le lagi, i se kalaga fakalagiaki, i le leo o se alekaselo, ti mo le tagi o le fakatagi pupusi a le Atua : ti ko le kau mate ia Kilisito e toe tuuake loa i mua.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Sosue 22:22

Atua, Atua, le Eteleno, Atua, Atua, e iloa e le Eteleno, ti e iloa loa e Iselaele le tupuaga o le nea leia na matou aga o fai. Kapau na motou fai ia se patigataa, pe ko se agatuu ki le Eteleno, ti ke aua na toe fakamauli e ia matou i le aso nei !