Senesi 18:20 - Tosi Tapu

²⁰ Ti na pati loa le Eteleno : Kua mamafa ai le tagi ki Sotoma mo Komola, talie kua lasi ai ala agasala.

Senesi 18:20 ပူးပေါင်းရင်းမြစ်များ

Senesi 13:13

Na agaveli le kakai o Sotoma, mo agasala lasi ki le Eteleno.

Senesi 19:13

Talie ka ma maumaui loa le ganea leinei, o tupu kua lasi ai le tagi ki lona kakai i mua o le Eteleno. Na kakau mai maua e le Eteleno ke ma au o maumaui a ia.

Senesi 19:4

Na leikiaise la momoe kae kua tanaki ake le kakai o le kolo o Sotoma o takatakai le fale. Mei tamaliki tupulaga o kaku ki le kau matua, na lotou fakatasi fuli ki ai, mei potu kesekese o le kolo.

Senesi 4:10

Ti na pati loa le Atua : Kolea le nea leia kua ke fai ? E tagi mai kiate au le leo o le toto o lou taina mei le kele.

Senesi 6:12

Na tio loa le Atua ki le malama nei, ti ko leinei, kua veli ai a ia ; talie kua fakalialia a ala o tagata fuli i le malama nei.

Esaia 3:9

E fakamaoki olatou mata kia latou, Ti e lotou fakasa fakalauatea alatou agasala ofaipe Sotoma. Malaia ki olatou laumalie ! Talie e lotou teuteu le malaia kia latou totonu.

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 23:14

Kae i le kau polofeta o Selusalemi, na kau tio ki ni nea e toe fakalialia ake ; E lotou fai tono, e lotou saele i le loi. E lotou fakamakeke a lima o le kau agaveli, O tupu ke aua na tafoki mai kiate au se tasi ia latou i lana agaveli. Kua lotou fai fuli ki oku mata pe Sotoma, Ti kua fai le kakai o Selusalemi pe Komola.

Esekiele 16:46

Ko lou taina mua, leia e nofo i lou fetuu sema, ko Samalia mo ona taineliki ; ti ko lou ga taina ikiiki, leia e nofo i lou fetuu atamai, ko Sotoma mo ona taineliki.

Soele 3:13

Kotou too le sele tuuti fulumeto, Talie kua matua le taukai fulumeto ! Kotou au, kotou takatakafi, Talie kua apele le tatauaga vite, Kua apele pipi a tane vino ! Talie kua lasi ai lalatou agaveli.

Sonasi 1:2

Ke ke tuu ki aluga, o ano ki Ninive, ki le kolo lasi, ti ke kalaga ki ai ! Talie kua kaku mai ki oku mua lana agaveli.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.