Senesi 18:2 - Tosi Tapu

² Na siki ake loa e ia ona mata, o tio : ti ko leinei, kua tutuu ni tagata e toka tolu o ofi kiate ia. I lana tio kia latou, na makape loa a ia ki olatou mua, mei le matapa o le falela, o punou ki le kele.

Senesi 18:2 ပူးပေါင်းရင်းမြစ်များ

Senesi 17:3

Na fakamapee loa Apalamo o fakatuu ona mata ki le kele ; ti na masau loa le Atua kiate ia, o pati :

Senesi 18:16

Na tutuu ake loa le kau tagata ke ano, ti na latou tagaki loa ki le fetuu o Sotoma. Na ano loa Apalaamo mo latou, ke kaukaufanoga mo latou i le ala.

Senesi 18:22

Na mavae loa a tagata e toka lua i le ganea lena, o ano ki Sotoma. Kae na nofo loa le Eteleno mo Apalaamo.

Senesi 18:3

Ti na pati loa a ia : Ei loku Aliki, kapau kua kau maua se kalasia i ou mua, ti ke alofa mai o leaise ke fakasili i lau tagata fakasausau.

Senesi 19:1

Na kaku loa aselo e toka lua ki Sotoma i le afiafi ; kae na tonatona loa a Lote i le matapa o Sotoma. I le tio a Lote kia laua, na tuu ake loa a ia o ano o fakafelavei kia laua, ti na punou loa a ia o kaku ki le kele.

Senesi 23:12

Na punou loa Apalaamo i mua o le kakai o le fenua.

Senesi 23:7

Na tuu ake loa Apalaamo o punou i mua o le kakai o le fenua, i mua o vosa o Eti.

Senesi 24:63

I se afiafi leia na ano ai loa Isaake o metitasio i faisaga, na siki ake loa ona mata, ti na tio loa a ia : ko leinei e kaku ake ni kamelo.

Senesi 32:24

Na nofo toka tasi loa Sakopo. Ti na fepoko loa se tagata mo ia o kaku ki le mafoata.

Senesi 42:6

Na pule Sosefo i le fenua ; ko ia leia na fakatau ia le fulumeto ki le kakai katoa o le fenua. Ti na au loa fetaina o Sosefo o punou ki le kele i ona mua.

Senesi 43:26

I le kaku ake a Sosefo ki fale, na lotou momoli loa kiate ia le moliga leia na lotou aumai, ti na lotou punou loa o kaku ki le kele i mua o Sosefo.

Senesi 43:28

Na lotou tali loa : E malolo lau tagata fakasausau, lomatou tamana, ti koi mauli foki a ia. Ti na lotou toe punou loa o kaku ki le kele i mua o Sosefo.

Senesi 44:14

Na kaku loa Suta mo ona fetaina ki le fale o Sosefo, kae koi nofo Sosefo i ai, ti na lotou punou loa ki le kele i ona mua.

Senesi 48:12

Ti na too loa e Sosefo ona vosa, ala na ekeeke i tuli o lona tamana ko Sakopo, o tuku ki lalo, ti na punou loa a ia i ona mua.

Lua tosi o Sau 2:15

I le tio loa a vosa o le kau polofeta, ala na nonofo i Seliko ti na tutuu mei mamao, ki le nea leia na fai e Eliseo, na lotou pati loa : Kua ifo le laumalie o Elia kia Eliseo ! Ti na lotou au loa o fakafelavei kia Eliseo, o punou olatou ulu ki le kele i ona mua.

Loma 12:13

Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

Epelo 13:2

Aua na kotou galoi le fakaafe o kaiga matapule ; talie i le fai o le nea lena, na fakaafe ai e ni iki ni aselo kae e leaise lotou iloa a ia.

Sosue 5:13

I le tuu a Sosue o feofi ki Seliko, na siki ake loa ona mata ki aluga ti na tio a ia ki se tagata leia na tuu i ona mua mo lana seleta kua kukumi i lona lima. Na fakafeofi ake loa Sosue kiate ia, o pati : Pe ke kau mo matou pe ke kau mo omatou fili ?

Uluaki tosi a Petelo 4:9

Ke kotou fai le fakatalitali kaiga i okoutou vasaa o sala lauga.

Tuifakamaau 13:3

Na sa loa le aselo o le Eteleno ki le fafine, o pati kiate ia : Ko leinei, e ke paa, ti na leaise ke maua sau fanau ; e ke faitoe loa ti e ke fanaui loa se tama.

Lute 2:10

Ti na fakamapee loa a ia ki ona mata, ti na punou loa a ia ki le kele, o pati kiate ia : Kolea kua kau maua ai le alofa i ou mua, talie kua ke fia tokaga kiate au, leia ko se fafine matapule ?