Senesi 18:14 - Tosi Tapu

¹⁴ Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Senesi 18:14 ပူးပေါင်းရင်းမြစ်များ

Senesi 17:16

E kau tapuaki loa kiate ia, ti e kau soli loa kiate koe se vosa iate ia. E kau tapuaki loa kiate ia, ti e liliu loa a ia ko le tinana o ni puleaga ; e tupu loa meiate ia ni sau o ni kakai.

Senesi 17:21

Kae ko laku sai, e kau fai loa a ia mo Isaake, leia e fanaui loa e Sala kiate koe i le temi totonu leinei o le fetuu ka au.

Senesi 18:10

Na pati loa se tasi o latou : E kau toe liliu mai loa kiate koe i le temi totonu leinei o le fetuu ka au ; ti ko leinei, e maua loa e lou avaga ko Sala se vosa. Na fakalogologo a Sala i le matapa o le falela leia na tuu i muli o Apalaamo.

Senesi 18:13

Na pati loa le Eteleno kia Apalaamo : Kolea na kata ai a Sala, o pati : Pe maoki e kau maua loa se fanau, e au leinei kua finematua ?

Senesi 18:15

Na loi loa a Sala, o pati : Na leaise kau kata. Talie na i loa a ia. Kae na pati loa le Aliki : E maoki na ke kata.

Senesi 21:1

Na manatu loa le Eteleno ki le nea leia na fakasa e ia kia Sala, ti na fakasoko loa e le Eteleno kia Sala lana fakapapau.

Senesi 21:2

Na tinae loa a Sala, ti na fanaui loa e ia se vosa kia Apalaamo i lona temi matua, i le temi totonu leia na fakasa e le Atua kiate ia.

Lua tosi o Sau 4:16

Na pati loa Eliseo kiate ia : I le temi leinei o le fetuu ka au, e ke sogi loa ki se vosa. Ti na tali loa le fafine : Leai ! loku aliki, tagata a le Atua, aua na ke loiloisii lau fafine fakasausau !

Sopo 36:5

E mafimafi le Atua, kae e leaise tiaki e ia se tagata ; E mafimafi a ia i le makeke o lona atamai.

Sopo 42:2

E kau fakamaoki e ke mafai a nea fuli, Ti e leaise fakafesagai se nea ki au manatu.

Pesalemo 90:13

Toe liliu mai, Eteleno ! E kaku loa kiafea ?… Alofa mai ki au tagata fakasausau !

Pesalemo 93:1

E sau le Eteleno, kua teu a ia ki le mamalu ofaipe se kofu, Kua takatakai a ia ki le mafimafi ofaipe se kilipipi. Koia e tuu mau ai le malama nei, e leaise taugaoi ai.

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sakalia 8:6

Koia e folafola ai le Eteleno o kau tau, o pati : Kapau e mata fakapunamauli le nea lena ki le toega o le kakai lena i aso ana, pe mata fakapunamauli a ia kiate au ?

Numelo 11:23

Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Mateo 14:31

I le temi fai lena na falo loa e Sesu lona lima o too a ia, ti na pati loa a ia kiate ia : Tagata tui gaegae, kolea na ke lotolotolua ai ?

Mateo 19:26

Na tio loa Sesu kia latou, o pati : E leaise feala le nea lena ki tagata, kae e feala a nea fuli ki le Atua.

Mateo 3:9

ti aua na kotou pati i okoutou loto : Ko Apalaamo ko lomatou tamana ! Talie e kau fakasa kia koutou, mei fatu anei, e mafai ke fakatupu e le Atua ni fanau kia Apalaamo.

Maleko 10:27

Na tio loa Sesu kia latou, o pati : E leaise feala le nea a ia ki le tagata, kae e feala a ia ki le Atua : Talie e feala a nea fuli ki le Atua.

Luka 1:13

Kae na pati loa le aselo kiate ia : Aua na ke i, Sakalia, talie kua tali lau kole. E fanaui loa e lou avaga ko Elisapeta se vosa kiate koe, ti e ke soli loa kiate ia le igoa ko Soane.

Luka 1:18

Na pati loa Sakalia ki le aselo : E kau iloa loa i lea le nea a ia ? Talie kua kau matua, ti kua lasi fetuu o loku avaga.

Luka 1:37

Talie e leaise faigataa se nea ki le Atua.

Luka 8:50

Kae i le logo a Sesu ki le nea lena, na pati loa a ia ki le pule o le sinakoka : Aua na ke tuania, tui fua ti e mauli loa a ia.

Loma 4:21

ti mo iloa fakapapau e ia i lona loto ko le nea leia kua fakapapau e le Atua, e mafai foki e ia lona fakasoko.

Efeso 3:20

Koia, ki leia e mafai ke fai ia o lasi maumau ake i nea fuli ala e tou kole pe tou manatu ki ai, i le makeke leia e gaoi ia tatou,

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.

Tetelonome 7:21

Ke aua na ke i o tupu ko latou ; talie e nofo le Eteleno, lou Atua, i loto malie o ou, le Atua lasi mo fakaii.

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.

Filipe 4:13

E kau mafai a nea fuli i leia e fakamakeke ia au.

Epelo 11:19

Na manatu a ia e mafimafi ai le Atua, o toe fakatuuake ia le kau mate ; koia i se fakatata na toe maua loa e ia lona vosa.

Tuifakamaau 13:3

Na sa loa le aselo o le Eteleno ki le fafine, o pati kiate ia : Ko leinei, e ke paa, ti na leaise ke maua sau fanau ; e ke faitoe loa ti e ke fanaui loa se tama.

Uluaki tosi a Samuele 14:6

Na pati loa Sonatane ki le tupulaga leia na amo ia ana masafu : Au, ke ta ano o kaku ki le nofolaga tau o le kau Filisitini pagani leinei. Na saga e gaoi loa le Eteleno kia taua, talie e leaise nea leia e taofi ia le Eteleno ke saofaki ki se ga toka teiki ofaipe se toka api.