Senesi 17:8 - Tosi Tapu

⁸ E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 17:8 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 13:15

talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau.

Senesi 13:17

Tuu ki aluga, o foli takai le fenua i lona loa mo lona lau lasi, talie e kau soli loa a ia kiate koe.

Senesi 23:4

Ko au ko se matapule leia e nofo i lotolotoga o koutou ; kotou soli mai kiate au se tanuma i lokoutou kele, ke kau tanu ai loku mate, ti ke kau too a ia mei oku mua.

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 28:4

Ke tuku atu e ia kiate koe mo lou sakoga le tapuaki a Apalaamo, o tupu ke ke maua tofiga le fenua leia e ke nofo ai ofaipe se tagata matapule, leia kua soli e ia kia Apalaamo.

Senesi 35:27

Na kaku loa Sakopo ki lona tamana ko Isaake i Mamele, ofi ki Kiliate-Alepa, leia kua igoa i le temi nei ko Epelone, ganea leia na nofo ai foki Apalaamo mo Isaake.

Senesi 36:7

Talie na lasi ai ola koloa, ti na leaise koi mafai ke la nofo fakatasi, ti na leaise koi feauga loa le fenua leia na la nofo ai ki ala kau manu.

Senesi 37:1

Na nofo loa Sakopo i le fenua o Kanaane, leia na nofo fakatemi ai lona tamana.

Senesi 48:4

Ti na pati mai a ia kiate au : E kau fakaliliu loa a koe o fanaunau, ti e kau liuliuga loa a koe, ti e kau fakasoko loa a koe ko ni kakai toka api, ti e kau soli loa le fenua leinei ki lou sakoga i ou muli, ke maua e ia o lee gato.

Lua tosi a Samuele 23:5

Pe leaise fenaaki loku fale i mua o le Atua, Talie kua fai e ia mo au se sai lee gato, Leia kua fakatuutuu ona lekula fuli ke taupau ia a ia ? Pe leaise fakasomo loa e ia loku fakamauli katoa mo oku oli fuli ?

Uluaki tosi o Koloniko 16:18

O pati : E kau soli loa kiate koe le fenua o Kanaane Ofaipe le tofiga leia kua tuku atu kia koutou.

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 105:11

O pati : E kau soli atu loa kiate koe le fenua o Kanaane Ofaipe se tofiga leia kua tuku atu kia koutou.

Pesalemo 105:9

Le sai leia na fai e ia mo Apalaamo, Ti mo le fakapapau leia na fai e ia kia Isaake.

Ekesote 13:11

I le aso leia e fakaulu ai loa a koe e le Eteleno ki le fenua o le kau Kanaane, ofai ki lana fakapapau kiate koe mo ou tamana, ke soli atu a ia kiate koe,

Ekesote 21:6

ti e taki loa a ia e lona pule ki mua o le Atua, ti e fakafeofi loa e ia a ia ki le matapa pe ko se pou o le matapa, ti e puui loa e lona pule lona taliga ki se tui, ti e gaoi loa a ia ki lona pule o tuumau.

Ekesote 29:45

E kau nofo loa i loto malie o fanau a Iselaele, ti e kau liliu loa ko lolatou Atua.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Ekesote 40:15

ti e ke pani loa latou ki le lolo ofaipe lau pani lolatou tamana, o tupu ke lotou gaoi kiate au i le gaoi fakapelepitelo. Ko lolatou pani lena ki le lolo e fakamaoki ai loa latou o tuumau ki le gaoi fakapelepitelo i olatou sakoga.

Ekesote 6:4

Na kau fakatuu foki laku sai mo latou, ke soli kia latou le fenua o Kanaane, le fenua leia e lotou fanoga ai, leia na lotou nofo fakatemi ai.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Selemia 25:5

Na lotou pati : Kotou tasi tafoki mai mei lona ala veli, mei le agaveli o akoutou gaoi, ti e kotou nonofo loa i le fenua leia na kau soli kia koutou mo okoutou tamana, mei tautupu ki tautupu.

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Esekiele 11:20

O tupu ke lotou mulimuli i aku fakatotonu, Ti ke lotou tausi mo fai aku lao ; Ti e lotou liliu loa ko loku kakai, ti e kau liliu loa ko lolatou Atua.

Esekiele 33:24

Vosa o le tagata, e pati latou ala e nonofo i kolo maumau o le fenua o Iselaele : Na toka tasi Apalaamo, kae na maua e ia le fenua ; kia tatou anei kua toka api, kua soli mai le fenua kia tatou.

Levitiko 14:34

Ka kotou ulu loa ki le fenua o Kanaane, leia e kau soli loa kia koutou ke kotou maua, kapau e kau fakaea loa se sekaseka i se fale o lokoutou fenua foou,

Levitiko 16:34

E tuu loa le nea lena kia koutou ko se lao lee gato : e fai tua tasi loa i le fetuu le fakamalie a fanau a Iselaele, o tupu ko alatou agasala. Ti na fai loa le nea leia na fakatotonu e le Eteleno kia Moisese.

Levitiko 26:12

E kau saele loa i loto malie o koutou, ti e kau liliu loa ko lokoutou Atua, ti e kotou liliu loa ko loku kakai.

Sakalia 8:8

E kau aumai loa latou, ti e lotou nonofo loa i loto malie o Selusalemi ; e lotou liliu loa ko loku kakai, ti e kau liliu loa ko lolatou Atua i le maoki mo le faitotonu.

Numelo 10:29

Na pati loa Moisese kia Opapi, vosa o Leuele, tagata o Matiane, tamana o le avaga o Moisese : E motou ano ki le fenua leia na pati ki ai le Eteleno : e kau soli loa a ia kia koutou. Au ke tou ano, ti e motou fai loa kiate koe se nea malie, talie kua fakapapau le Eteleno ke fai se nea malie ki Iselaele.

Numelo 25:13

Ko le sai lena kiate ia mo lona sakoga, leia e lotou liliu ai ko ni tagata faisakilifisio o lee gato, talie na fakasa e ia lona alofa ki lona Atua ti na fai e ia le fakamalie ki fanau a Iselaele.

Numelo 27:12

Na pati loa le Eteleno kia Moisese : Pale ki le mauga lena o Apalimi, o tio ki le fenua leia kua kau soli ki fanau a Iselaele.

Gaoi 7:5

Ti na leaise soli loa e ia kiate ia se ga kele i le fenua leinei, pe ko se ganea fua ke teki ai lona vae, kae na fakapapau loa e ia ke soli le fenua katoa ma ana, ti mo lona sakoga ki muli iate ia, kae na leikiai fua sana fanau.

Tetelonome 14:2

Talie ko se kakai maokioki a koe ki le Eteleno, lou Atua ; ti kua filifili a koe e le Eteleno, lou Atua, ke ke liliu ko lona kakai alofaina i kakai fuli i aluga o le malama nei.

Tetelonome 26:18

I le aso nei, na maua loa e le Eteleno meiate koe le fakapapau leia ke ke nofo loa ko lona kakai, leia e mauiga kese loa kiate ia, o fai ki lana pati kiate koe, ti mo ke tausi loa ana folafola fuli,

Tetelonome 29:13

o tupu ke ke liliu i le aso nei ko lona kakai ti ke nofo a ia ko lou Atua, o fai ki lana pati atu kiate koe, mo lana fakapapau leia na fai ki ou tamana ko Apalaamo, mo Isaake, mo Sakopo.

Tetelonome 32:49

Ke ke pale ki le mauga o Apalimi, i le tumutumu o le mauga ko Nepo, i le fenua o Moape, i mua o Seliko ; ti ke tio loa ki le fenua o Kanaane leia ka kau soli loa ke maua tofiga e fanau a Iselaele.

Tetelonome 32:8

I le aso leia na soli ai e le Taualuga se tofiga ki atu puleaga, I le aso leia na fakamavaevae ai e ia a fanau a Atama, Na fakatuu loa e ia a koiga o puleaga ; Ti na tuku loa e ia ke fakalogo a puleaga ki fanau a Iselaele,

Tetelonome 34:4

Na pati loa le Eteleno kiate ia : Ko lena le fenua leia na kau fakapapau kia Apalaamo, mo Isaake, mo Sakopo, o pati : E kau soli loa a ia ki okoutou sakoga. E kau fakatio a koe ki ai, kae e leaise ke ulu loa ki ai.

Tetelonome 4:37

Kua alofa a ia ki ou tamana, ti na filifili e ia lolatou sakoga ; ti na fakamavae e ia totonu a koe mei Esipito ki lona makeke lasi ;

Tetelonome 9:5

Leai, e leaise se tupu ai ko lou maokioki mo le agatonu o lou loto leia e ke ulu ai loa o maua tofiga lolatou fenua ; kae e tupu ko le agaveli o puleaga ana leia e kapu ai latou e le Eteleno, lou Atua, i ou mua, ti ke fakamaoki ai le folafola leia na fakapapau e le Eteleno ki ou tamana, kia Apalaamo, mo Isaake, mo Sakopo.

Epelo 9:15

Ti koia leia kua liliu ai a ia ko le fakasokopati o se sai foou, o tupu ke tali e latou ala na kalagai a nea malilie lee gato ala na fakapapau kia latou. Kua lotou mafai a ia, talie kua soko se mate, ti kua aga le mate lena o fakamauli a tagata mei sala ala na lotou fai i lalatou koi fakalogo ki le uluaki sai.

Sosue 1:2

Kua mate laku tagata fakasausau ko Moisese. I le aso nei, tuu ki aluga o fakalaka i le Solotane leinei, a koe mo le kakai katoa leinei, o ulu ki le fenua leia e kau soli ki fanau a Iselaele.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.