Senesi 17:7 - Tosi Tapu

⁷ E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 17:7 ပူးပေါင်းရင်းမြစ်များ

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Senesi 17:13

E silikosisio loa le tagata fakasausau leia na tupu i lou loto fale, ti mo le tagata fakasausau leia na ke totogi paaga ; ti e fai loa laku sai i lokoutou kanofi ofaipe se sai lee gato.

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 6:18

Kae ko au, e kau fai loa laku sai mo koe ; e ke ulu loa ki le aleka, a koe mo ou vosa, mo lau avaga ti mo avaga o ou vosa.

Senesi 9:16

E tuu loa le nuanua i le ao, ti e kau tio loa ki ai, ti e kau toe manatui loa le sai lee gato leia kua fai e le Atua ki nea fuli e mauli, mo nea fuli e kanofi ala e mauli i aluga o le kele.

Lua tosi a Samuele 7:24

Na ke fakamakeke lou kakai ko Iselaele, o tupu ke liliu a ia ko lou kakai o lee gato ; ti ko koe, ei Eteleno, kua ke liliu ko lona Atua.

Uluaki tosi o Koloniko 16:13

Sakoga o Iselaele, ko lana tagata fakasausau, Fanau a Sakopo, ko ana filifiliia !

Uluaki tosi o Koloniko 16:14

Ko le Eteleno ko lotatou Atua ; E fai ana fakamaau ki le malama nei katoa.

Pesalemo 81:10

Ke aua na maua loa iate koe se atua kese ! Aua na ke punou loa i mua o ni atua kese !

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 6:4

Na kau fakatuu foki laku sai mo latou, ke soli kia latou le fenua o Kanaane, le fenua leia e lotou fanoga ai, leia na lotou nofo fakatemi ai.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 61:8

Talie ko au, le Eteleno, e kau alofa ki le faitotonu, E kau vesia ki le kaia mo le agaveli ; E kau soli loa kia latou lolatou fakapale totonu, Ti e kau fai loa mo latou se sai lee gato.

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Esekiele 28:26

E lotou nonofo loa i ai i le tokamalie, ti e lotou fakatuu loa ni fale, ti e lotou to loa ni faisaga vite ; e lotou nonofo loa i ai i le fimalie, i le aso leia e kau fai ai loa aku fakamaau kia latou fuli ala e takatakai ia a ia mo vesia kiate ia. Ti e lotou iloa loa ko au ko le Eteleno, ko lolatou Atua.

Levitiko 11:45

Talie ko au ko le Eteleno, leia na fakamavae ia koutou mei le fenua o Esipito, o tupu ke kau liliu ko lokoutou Atua ; ke kotou maokioki talie e kau maokioki.

Levitiko 25:38

Ko au ko le Eteleno, ko lou Atua, leia na fakamavae ia koutou mei le fenua o Esipito, ke soli atu kia koutou le fenua o Kanaane, o tupu ke kau liliu ko lokoutou Atua.

Levitiko 26:12

E kau saele loa i loto malie o koutou, ti e kau liliu loa ko lokoutou Atua, ti e kotou liliu loa ko loku kakai.

Levitiko 26:44

Kae, kapau e lotou nonofo loa i le fenua o olatou fili, e leaise kau tiaki oki loa latou, ti e leaise kau vesia oki loa kia latou o kaku ki laku fakapuli oki loa latou, o kaku ki laku tuuti oki loa laku sai kia latou ; talie ko au ko le Eteleno, ko lolatou Atua.

Levitiko 26:45

E kau toe manatui loa loku alofa kia latou, ti mo laku sai i mua, leia na tupu ai laku fakamavae latou mei le fenua o Esipito, i mata o atu puleaga, o tupu ke kau liliu ko lolatou Atua. Ko au ko le Eteleno.

Levitiko 26:9

E kau tokaga loa kia koutou o tapuakii koutou, mo fakafanaunau koutou, ti e kau taofi mau loa laku sai kia koutou.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Mateo 22:32

Ko le Atua au o Apalaamo, le Atua o Isaake, le Atua o Sakopo ? Ko le Atua e leaise ko le Atua a ia o le kau mate, kae ko le Atua a ia o le kau mauli.

Maleko 10:14

I le tio a Sesu ki le nea lena, na mamae ai, ti na pati loa a ia kia latou : Kotou tuku ke au kiate au a toe liliki, kae aua na kotou taofi latou ; talie e fakalogo le puleaga o le Atua kia latou ala e tatau mo toe liliki.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Loma 9:4

ala e Iselaele, ala e maua ia le fufui, mo le kololia, mo sai, mo le lao, mo le atolasio, mo fakapapau,

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Tetelonome 29:13

o tupu ke ke liliu i le aso nei ko lona kakai ti ke nofo a ia ko lou Atua, o fai ki lana pati atu kiate koe, mo lana fakapapau leia na fai ki ou tamana ko Apalaamo, mo Isaake, mo Sakopo.

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.

Epelo 8:10

Kae ko leinei le sai leia e kau fai loa mo le fale o Iselaele. Ile oki o aso ana, e pati le Aliki : Ekau tuku loa aku lao ki olatou loto, Ti e kau tosi loa latou i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Tuifakamaau 2:1

Na pale loa se aselo o le Eteleno mei Kilikale ki Pokimi, o pati : Na kau fakamavae koutou mei Esipito ti na kau aumai koutou ki le fenua leia na kau fakapapau ke soli ki okoutou tamana. Na kau fakasa loa kia latou : E leaise kau motusi loa i se aso laku fakapapau kia koutou,