Senesi 17:5 - Tosi Tapu

⁵ E leaise toe igoa loa a koe ko Apalamo ; kae e ke igoa loa ko Apalaamo, talie e kau fakaliliu loa a koe ko le tamana o ni puleaga mauke.

Senesi 17:5 ပူးပေါင်းရင်းမြစ်များ

Senesi 17:15

Na pati loa le Atua kia Apalaamo : Aua na ke toe soli loa kia Salai lou avaga, le igoa ko Salai ; kae e igoa loa a ia ko Sala.

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Senesi 32:29

Ti na vesili loa Sakopo kiate ia : E kau kole atu kiate koe, fakasa mai kiate au lou igoa. Na tali loa le tagata : Kolea e ke afa mai ai loku igoa ? Ti na tapuaki loa a ia kia Sakopo i le ganea lena.

Senesi 35:10

Ti na pati loa le Atua kiate ia : Ko lou igoa ko Sakopo. E leaise toe igoa loa a koe ko Sakopo, kae e igoa loa a koe ko Iselaele. Ti na soli loa e le Atua kiate ia le igoa ko Iselaele.

Lua tosi a Samuele 12:25

Na tuku loa e ia le toe ki lima o le polofeta ko Natane, ti na tuku loa e Natane kiate ia le igoa ko Setitesa, o tupu ko le Eteleno.

Uluaki tosi o Koloniko 1:27

mo Apalamo leia ko Apalaamo.

Neemia 9:7

Ko koe Eteleno Atua leia na filifili ia Apalamo, ko koe leia na fakamavae ia a ia mei Ulu i Kaletea, ti na soli ia kiate ia le igoa ko Apalaamo.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Selemia 20:3

I le ala usu ake, na fakamavae loa e Pasule a Selemia mei le pilisoni. Ti na pati loa Selemia kiate ia : E leaise ko le igoa leia ko Pasule e tuku atu e le Eteleno kiate koe, kae ko leia o Makole-Misapipe.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Numelo 13:16

Ko igoa ana o le kau tagata leia na kakau e Moisese ke ano o tioi le fenua o Kanaane. Na tuku loa e Moisese kia Ose, vosa o Nune, le igoa ko Sosue.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Loma 4:17

Kua kau fakanofo a koe ko le tamana o ni puleaga mauke ai. Ko ia ko lotatou tamana i mua o leia na tui a ia ki ai, le Atua, leia e soli ia le mauli ki le kau mate, ti e pati ki nea ala e leikiaise tupu pe ni nea kua tupu.

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.