Senesi 17:3 - Tosi Tapu

³ Na fakamapee loa Apalamo o fakatuu ona mata ki le kele ; ti na masau loa le Atua kiate ia, o pati :

Senesi 17:3 ပူးပေါင်းရင်းမြစ်များ

Senesi 17:17

Na fakamapee loa Apalaamo o fakatau ona mata ki le kele ; ti na kata loa a ia, o pati i lona loto : E tupu feaki loa se vosa ki se tagata kua fetuu kau lelau ? Ti e faitoe feaki loa Sala, leia kua fetuu kau iva ?

Senesi 18:2

Na siki ake loa e ia ona mata, o tio : ti ko leinei, kua tutuu ni tagata e toka tolu o ofi kiate ia. I lana tio kia latou, na makape loa a ia ki olatou mua, mei le matapa o le falela, o punou ki le kele.

Uluaki tosi o Sau 18:39

I le tio loa a le kakai ki le nea lena, na lotou tulolo fuli loa ki le kele, o pati : Ko le Eteleno leia e Atua ! Ko le Eteleno leia e Atua !

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Esekiele 1:28

Na tatau le malama gigila lena na takatakai ia a ia mo le malama o le nuanua i se aso ua. Ko se paaki a ia o le kololia o le Eteleno. I laku tio ki le nea lena, na kau fakamapee loa, o fakatuu oku mata ki le kele, ti na kau logo loa ki le leo o se tasi leia na masau.

Esekiele 3:23

Na kau tuu ake loa ki aluga, ti na kau ano loa ki le vaivailiua ; ti ko leinei, na sa loa i ai le kololia o le Eteleno, ofaipe le kololia leia na kau tio ki ai i tafa o le vaitafe o Kepale. Ti na kau fakamapee loa o fakapulou oku mata ki le kele.

Esekiele 9:8

Na kau nofo toka tasi i le temi lena na lotou taai ai le kolo, ti na kau fakamapee loa ki lalo o fakatau oku mata ki le kele, o kalaga : Ei Aliki Eteleno, pe ke maumaui loa a nea fuli ala koi toe i Iselaele, i lau liligi lou sausau ki Selusalemi ?

Taniela 10:9

Na kau logo loa ki ana masau ; ti i laku logo ki ana masau, na kau siga loa o fakapulou oku mata ki le kele, ti na kau mata fakapouli loa.

Numelo 14:5

Na tulolo loa Moisese mo Alone o fakatuu o la ulu ki le kele, i mua o le kakai katoa o Iselaele.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Mateo 17:6

I lalatou logo ki le leo lena, na sisiga loa le kau tisipulo o fakapulou ki le kele, ti na lotou i lasi ai.

Sosue 5:14

Na tali loa le tagata : Leai, kae ko au ko le pule o kau tau a le Eteleno, e kau kaku mai nei. Na punou loa Sosue o fakatau ona mata ki le kele, o su, mo pati : Kolea le nea leia e fakasa e loku aliki ki lana tagata fakasausau ?

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !

Tuifakamaau 13:20

Na pale ake loa le ula o le failaulau i aluga o le aletale ki le lagi, ti ko leinei, kua pale ake loa le aselo o le Eteleno i loto malie o le ula o le aletale. I le tio a Manoa mo lona avaga ki le nea lena, na la fakavilo loa o fakatau ola mata ki le kele.