Senesi 17:18 - Tosi Tapu

¹⁸ Ti na pati loa Apalaamo ki le Atua : Alofa ke mauli Isemaele i ou mua !

Senesi 17:18 ပူးပေါင်းရင်းမြစ်များ

Senesi 17:17

Na fakamapee loa Apalaamo o fakatau ona mata ki le kele ; ti na kata loa a ia, o pati i lona loto : E tupu feaki loa se vosa ki se tagata kua fetuu kau lelau ? Ti e faitoe feaki loa Sala, leia kua fetuu kau iva ?

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 21:11

Na mamae ai le masau lena kia Apalaamo, talie ko lona vosa.

Senesi 4:12

Ka ke gaoi loa ki le kele, e leaise toe soli atu loa e le kele kiate koe lona koloa. E ke sese loa, ti e ke foli noa loa i aluga o le kele.

Senesi 4:14

Ko leinei e ke kapu au i le aso nei i le kele leinei ; ti e tonu loa ke kau mumuni o mamao mo koe ; e kau liliu loa ko se nea sese mo foli noa i fuga o le kele, ti ka maua loa au e se tasi, ti e tamate loa e ia au.

Pesalemo 4:6

Ke kotou momoli ni sakilifisio o le faitotonu, Ti ke kotou fanaki ki le Eteleno.

Pesalemo 41:12

E kau iloa loa e ke alofa kiate au, Mo ka e leaise malo loku fili iate au.

Esaia 59:2

Kae ko akoutou agatuu ala e fakatuu ia se paa ia koutou mo lokoutou Atua ; Ko akoutou agasala ala e fufu ia ona mata kia koutou, Ti e tapono ia a ia ke fakalogo kia koutou.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.