Senesi 17:17 - Tosi Tapu

¹⁷ Na fakamapee loa Apalaamo o fakatau ona mata ki le kele ; ti na kata loa a ia, o pati i lona loto : E tupu feaki loa se vosa ki se tagata kua fetuu kau lelau ? Ti e faitoe feaki loa Sala, leia kua fetuu kau iva ?

Senesi 17:17 ပူးပေါင်းရင်းမြစ်များ

Senesi 17:18

Ti na pati loa Apalaamo ki le Atua : Alofa ke mauli Isemaele i ou mua !

Senesi 17:3

Na fakamapee loa Apalamo o fakatuu ona mata ki le kele ; ti na masau loa le Atua kiate ia, o pati :

Senesi 18:11

Na matutua Apalaamo mo Sala ti na lasi ai ola fetuu ; ti na leaise feala ke amanaki Sala e toe maua loa e ia ni fanau.

Senesi 18:12

Na kata loa a ia i lona loto, o pati : I le aso nei kua kau finematua ai, pe koi kau maua loa ni oli ? ti kua toe matua foki loku aliki.

Senesi 21:5

Na fetuu kau lelau Apalaamo i le tupu o lona vosa ko Isaake.

Senesi 21:6

Ti na pati loa a Sala : Kua kau kata i le fiafia o tupu ko le Atua, ti ko leia e logo loa ki le igoa o Isaake e kata loa kiate au.

Senesi 21:7

Ti na toe pati loa a ia : Ko ai leia na mafai ke pati loa kia Apalaamo : e fakau loa e Sala ni toe ? Ti ko leinei kua kau fanaui kiate ia se tama i lona temi matua.

Uluaki tosi o Koloniko 21:16

Na siki ake loa e Tavite ona mata ki aluga, ti na tio loa ki le aselo a le Eteleno e tuu i le vasa o le kele mo le lagi, ti kua too e ia i lona lima lana seleta gigila o fakaagaaga ki Selusalemi. Ti na fakavilo loa Tavite mo le kau matua, ala kua kofu ki ni taga, o fakatau olatou mata ki le kele.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Esekiele 1:28

Na tatau le malama gigila lena na takatakai ia a ia mo le malama o le nuanua i se aso ua. Ko se paaki a ia o le kololia o le Eteleno. I laku tio ki le nea lena, na kau fakamapee loa, o fakatuu oku mata ki le kele, ti na kau logo loa ki le leo o se tasi leia na masau.

Taniela 8:17

Ti na au loa Kapeliele ki le ganea leia na kau nofo ai ; ti na kau i i lana fakafeofi mai kiate au, ti na kau punou loa, o fakatuu oku mata ki le kele. Na pati mai loa a ia kiate au : Tokaga, ei vosa o le tagata, talie e uiga le tio mo se temi leia e liliu loa ko le temi fakaoki.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Numelo 14:5

Na tulolo loa Moisese mo Alone o fakatuu o la ulu ki le kele, i mua o le kakai katoa o Iselaele.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Mateo 2:11

Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.

Luka 1:18

Na pati loa Sakalia ki le aselo : E kau iloa loa i lea le nea a ia ? Talie kua kau matua, ti kua lasi fetuu o loku avaga.

Soane 8:56

Na matuaki fiafia Apalaamo, lokoutou tamana, ke tio ki loku aso : Ti na tio a ia ki ai, ti na fiafia a ia.

Tetelonome 9:18

Na kau punou loa o fakatau oku mata ki le kele i mua o le Eteleno, ti na kau nofo loa i ai, ofaipe mua, i aso e kau fa mo po e kau fa, e leaise kai ti e leaise inu, o tupu ko agasala fuli ala na kotou fai, o fai le nea leia e veli ki mata o le Eteleno ke tupu ai lona sausau.

Tetelonome 9:25

Na kau punou loa o fakatuu oku mata ki le kele i mua o le Eteleno, ti na kau nofo loa o punou i le kele i aso e kau fa mo po e kau fa, o tupu na pati le Eteleno kua loto a ia ke maumaui e ia koutou.

Sosue 5:14

Na tali loa le tagata : Leai, kae ko au ko le pule o kau tau a le Eteleno, e kau kaku mai nei. Na punou loa Sosue o fakatau ona mata ki le kele, o su, mo pati : Kolea le nea leia e fakasa e loku aliki ki lana tagata fakasausau ?

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.

Apokalipisi 11:16

Ti ko matua e tino lua tupu fa, ala na ekeeke i mua o le Atua i olatou ekeekeaga fakasau, na tulolo loa olatou ulu ki le kele, o atolasio ki le Atua,

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.

Tuifakamaau 13:20

Na pale ake loa le ula o le failaulau i aluga o le aletale ki le lagi, ti ko leinei, kua pale ake loa le aselo o le Eteleno i loto malie o le ula o le aletale. I le tio a Manoa mo lona avaga ki le nea lena, na la fakavilo loa o fakatau ola mata ki le kele.