Senesi 17:16 - Tosi Tapu

¹⁶ E kau tapuaki loa kiate ia, ti e kau soli loa kiate koe se vosa iate ia. E kau tapuaki loa kiate ia, ti e liliu loa a ia ko le tinana o ni puleaga ; e tupu loa meiate ia ni sau o ni kakai.

Senesi 17:16 ပူးပေါင်းရင်းမြစ်များ

Senesi 1:28

Na tapuaki loa le Atua kia laua, ti na pati loa le Atua kia laua : Kolua fanaunau, kolua liuliuga, kolua fakaapi le kele, ti kolua pulei a ai ; kolua pule ki ika o le tai, mo manu lele o le lagi, ti mo manu fuli ala e taka i le kele.

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 15:4

Ti na folafola loa le Eteleno kiate ia : E leaise ko ia leia e maua ia loa lou tofiga, kae ko leia e au loa mei ou tootooga ka maua ia loa lou tofiga.

Senesi 17:15

Na pati loa le Atua kia Apalaamo : Aua na ke toe soli loa kia Salai lou avaga, le igoa ko Salai ; kae e igoa loa a ia ko Sala.

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 17:6

E kau liuliuga loa a koe o lasi, e kau fakatupu loa meiate koe ni puleaga ; ti e tupu loa ni sau meiate koe.

Senesi 21:1

Na manatu loa le Eteleno ki le nea leia na fakasa e ia kia Sala, ti na fakasoko loa e le Eteleno kia Sala lana fakapapau.

Senesi 24:60

Na la tapuaki loa kia Lepeka, o pati kiate ia : Ei loma tuagaane, ke ke liliu ko le tinana o ni tino afe o miliate, ti ke pule lou sakoga ki le matapa o ona fili !

Senesi 25:23

Ti na pati loa le Eteleno kiate ia : E nofo ni puleaga e lua i lou manava, ti e mavae loa ni kakai e lua mei lou manava, o tasi mo ia lana aga, ti e makeke ake loa se tasi i le tasi. Ti e fakasausau loa le uluaki ki le muli.

Senesi 35:11

Ti na pati loa le Atua kiate ia : Ko au ko le Atua Mafimafi. Ke ke fanaunau, mo ke liuliuga : E tupu loa meiate koe se puleaga, mo ni puleaga lasi ai, ti e ulu loa ni sau mei ou ifiifi.

Senesi 36:31

Ko nei a sau ala na pule i le fenua o Etome, i mua o le fakanofo o se sau ki fanau o Iselaele.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Loma 9:9

Talie ko leinei le folafola o le fakapapau : I le temi totonu leinei, e kau toe au loa, ti e maua loa e Sala se vosa.

Kalate 4:23

Kae ko leia o le fafine popula na tupu a ia mei le kanofi, ti ko leia o le fafine lauatea na tupu a ia mei le fakapapau.

Uluaki tosi a Petelo 3:6

ofaipe Sala, leia na fakalogo kia Apalaamo ti na fakaigoa ia a ia ko lona aliki. Kua kotou liliu i le temi nei ko ona taineliki, mo kapau e kotou fai le nea leia e malie, ti mo kapau e leaise kotou tuku koutou ke i ki se nea.