Senesi 17:14 - Tosi Tapu

¹⁴ Ko le toe tagata leia e leaise silikosisio loa i lona tino, e fakamavae loa a ia i lona kakai, talie kua tiaki e ia laku sai.

Senesi 17:14 ပူးပေါင်းရင်းမြစ်များ

Senesi 17:15

Na pati loa le Atua kia Apalaamo : Aua na ke toe soli loa kia Salai lou avaga, le igoa ko Salai ; kae e igoa loa a ia ko Sala.

Senesi 34:14

Na lotou tali loa kia laua : E leaise feala ke motou soli lomatou tuagaane ke avaga mo se tagata lee silikosisio ; talie e fakalumaluma loa le nea lena kia matou.

Pesalemo 55:20

E logo loa le Atua, ti e tautea loa e ia latou, E ia leia e eke i lona ekeekeaga fakasau mei le lee gato ; - Manava. Talie leaise maua ia latou se fetogi, Ti e leaise lotou i ki le Atua.

Ekesote 12:15

I aso e fitu, e kotou kai loa ni pane sala fakatupu. E kamata loa mei le uluaki aso, e leaise toe maua loa se fakatupu i okoutou fale ; talie ko tagata fuli ala e kai loa ki se pane fakatupu, mei le uluaki aso o kaku ki le fitu o aso, e tuuti loa a ia mei Iselaele.

Ekesote 12:19

I aso e fitu, ke aua na toe maua loa se fakatupu i okoutou fale, talie ko tagata fuli ala e kai loa ki se pane fakatupu, e tuuti loa latou mei le fakatasiga o Iselaele, tatau aifai pe ko se matapule pe ko se tagata totonu o le fenua.

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Ekesote 30:38

Ko leia e fai ia loa se kaloni fenaaki ke sauga a ia ki ai, e tuuti loa a ia mei lona kakai.

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Esaia 33:8

Kua lavaki a ala lalasi ; E leaise koi ano i ala liliki. Kua maumaui e ia le sai, kua vesia a ia ki kolo, E leaise maua e ia se fakaapaapa ki se tasi.

Selemia 11:10

Kua lotou toe liliu ki agasala o olatou uluaki tamana, Ala na leaise fia fakalogo ki aku folafola, Ti na lotou ano ki ni iki ake atua kese, o tausi latou. Na maumaui e le fale o Iselaele mo le fale o Suta laku sai, Leia na kau fai mo olatou tamana.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Esekiele 44:7

Talie kua kotou fakaulu ki loto o loku sagatualio ni kau matapule lee silikosisio i le loto ti lee silikosisio i le kanofi, ke kelekele ai loku fale ; ti kua kotou momoli laku pane, le gako mo le toto, ki akoutou nea fakalialia fuli, ti kua kotou motusi laku sai.

Levitiko 18:29

Talie ko latou fuli ala e fai ia loa se nea fakalialia i nea fuli ana, e tuuti loa mei lolatou kakai.

Levitiko 19:8

Ti ko leia e kai loa ki ai e agasala loa, talie kua maumaui e ia le nea tapu a le Eteleno. E tuuti loa a ia mei lona kakai.

Levitiko 23:29

Ko le tagata leia e leaise sesunio loa i le aso lena e tuuti loa a ia mei lona kakai.

Levitiko 7:25

Talie ko le tagata leia e kai ia loa le kanomate o manu ala na momoli ki le Eteleno i ni sakilifisio tutu, e tuuti loa mei lona kakai.

Levitiko 7:27

Ko leia e kai ia loa se toto o se nea mauli, e tuuti loa a ia mei lona kakai.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.

Uluaki tosi ki le kau Kolinto 11:27

Koia ko leia e kai ia loa le pane mo inu ia loa le ipu o le Aliki, mo se lee fakaapaapa, e sala loa a ia ki le tino mo le toto o le Aliki.

Uluaki tosi ki le kau Kolinto 11:29

talie ko leia e kai mo inu kae e leaise fakaapaapa a ia ki le tino o le Aliki, e kai mo inu e ia se malaia kiate ia totonu.