Senesi 17:10 - Tosi Tapu

¹⁰ Ko leinei laku sai leia e tonu ke kotou tausi i loku vasaa mo koutou, e koe mo lou sakoga i ou muli : E silikosisio loa tagata fuli ia koutou.

Senesi 17:10 ပူးပေါင်းရင်းမြစ်များ

Senesi 17:11

E tuu loa lokoutou silikosisio ko se fakamailoga o le sai iate au mo koutou.

Senesi 17:23

Na too loa e Apalaamo a Isemaele, lona vosa, mo latou fuli ala na tupu i lona fale, ti mo latou fuli ala na totogi paaga e ia, a tagata fuli o lona fale. Ti na silikosisio loa e ia latou i le aso lena, o mulimuli ki le fakatotonu leia na tuku e le Atua kiate ia.

Senesi 17:27

Ti na silikosisio loa mo ia le kakai fuli o lona fale, latou ala na tupu i lona fale mo latou ala na totogi paaga mei ni matapule.

Senesi 21:4

Na silikosisio loa e Apalaamo lona vosa ko Isaake, i lona aso valu, o mulimuli ki le fakatotonu a le Atua kiate ia.

Senesi 34:15

Kae e feala loa ke motou tali le nea leia e kolua loto ki ai, mo kapau e kotou liliu loa o tatau mo matou, mo kapau e silikosisio loa a tagata fuli o koutou.

Senesi 34:22

Kae e loto loa a tagata anei ke nonofo mo tatou, ti ke tou fakatasi ko se kakai e tasi, mo kapau e silikosisio loa a tagata fuli o tatou, ke tou tatau mo latou.

Ekesote 12:48

Kapau e nofo loa se tagata matapule mo koe, ti e loto loa a ia ke kau i le Pasikate o le Eteleno, e silikosisio loa a tagata fuli o lona fale ; ti o fakataga loa ke fai e ia le Pasikate ; e tatau loa a ia mo le tagata o Iselaele. Kae e leaise kai loa le Pasikate e se tagata leia e leikiaise silikosisio.

Ekesote 4:25

Kae na too loa e Sefola se fa fatu matakakai, o tuuti ai loa le mui kilikili o lona vosa, o ti a ia ki vae o Moisese, o pati : Ko se avaga a koe o le toto kiate au !

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Soane 7:22

Talie na tuku e Moisese le silikosisio kia koutou, kae na leaise au a ia meia Moisese, kae mei le kau pateliaka, ti e kotou silikosisioi se tagata i le aso o le sapato.

Gaoi 7:8

Ti na tuku loa e le Atua kia Apalaamo le sai o le silikosisio ; ti na tupu loa Isaake ia Apalaamo, o silikosisio e ia a ia i lona aso valu ; ti na tupu loa Sakopo ia Isaake, o silikosisio e ia ; ti na tupu loa ia Sakopo le kau pateliaka e tino agafulu tupu lua.

Loma 2:28

Ko le Sutea, e leaise ko ia leia e maua ia a agaaga, ti ko le silikosisio e leaise ko ia leia e sa i le kanofi.

Loma 3:25

Ko ia leia kua fakatuutuu e le Atua ko le failaulau fakamolemole o agasala kia latou ala e tui loa ki lona toto, o tupu ke fakasa ai lana faitotonu, talie na leaise fakatuaa e ia a agasala ala na fai i mua, i le temi o lona kataki fualoa.

Loma 3:28

Talie e tou tuku e fakamatatonu le tagata i le tui, sala mo gaoi o le lao.

Loma 3:30

talie ko le Atua fai e tasi, leia e fakamatatonu ia loa i le tui le kau silikosisio mo le kau lee silikosisio.

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Kalate 6:12

Ko latou fuli ala e fia mata malie ki le tagata e fakamaua ia koutou ke silikosisio, o tupu fua ke aua na fakavelivelii koutou o tupu ko le koluse o Kilisito.

Efeso 2:11

Koia, ko koutou kau pagani i mua i le kanofi, na fakaigoa ko le kau lee silikosisio e latou ala e pati ko le kau silikosisio talie na silikosisio latou i le kanofi e le lima o le tagata,

Tetelonome 10:16

Koia, ke kotou silikosisio ai okoutou loto, ti ke aua na kotou toe fakafefeka okoutou ua.

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Sosue 5:2

I le temi a ia, na pati loa le Eteleno kia Sosue : Ke ke teuteui ni sele fatu ti ke ke silikosisio loa le tautupu foou leinei o fanau a Iselaele.

Sosue 5:4

Ko leinei le tupuaga o lolatou silikosisio e Sosue : I le mavae o le kakai o Iselaele i Esipito, na silikosisio fuli a tagata na aoga ki le tau, kae na mamate fuli le tautupu lena i le toafa.