Senesi 17:1 - Tosi Tapu

¹ I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 17:1 ပူးပေါင်းရင်းမြစ်များ

Senesi 12:1

Na pati loa le Eteleno kia Apalamo : Ano a koe i lou fenua, mo lou puleaga, mo le fale o lou tamana, ki le fenua leia e kau fakasa loa kiate koe.

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 16:16

Na fetuu kau valu tupu ono Apalamo i le fanaui e Akale o Isemaele kiate ia.

Senesi 18:1

Na sa loa le Eteleno kiate ia i le ulu sene o Mamele, kae na tonatona a ia i le matapa o lona falela, i le vevela o le aso.

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Senesi 24:40

Ti na tali mai loa a ia kiate au : Ko le Eteleno, leia na kau saele i ona mua, e kakau ia loa lona aselo i ou mua, ti e fakamanuia loa e ia lou fanoga, ti e ke filifili loa se avaga ki loku vosa i le famili mo le fale o loku tamana.

Senesi 26:2

Na sa loa le Eteleno kiate ia, o pati : Aua na ke ifo ki Esipito, nofo i le fenua leia e kau fakasa atu loa kiate koe.

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 35:11

Ti na pati loa le Atua kiate ia : Ko au ko le Atua Mafimafi. Ke ke fanaunau, mo ke liuliuga : E tupu loa meiate koe se puleaga, mo ni puleaga lasi ai, ti e ulu loa ni sau mei ou ifiifi.

Senesi 43:14

Ke alofa le Atua mafimafi o tuku ke tali malie koutou e le tagata lena ti ke kotou toe liliu mai kiate au mo lokoutou taina ko Pesamino ti mo Simeone. Ti ko au, kapau e tonu ke kau nofo sala mo aku fanau, ti ke kau sala !

Senesi 46:3

Ti na pati loa le Atua : Ko au ko le Atua, ko le Atua o lou tamana. Ke aua na ke tuania i le ifo ki Esipito, talie e kau fakaliliu loa a koe ko se puleaga lasi i le fenua lena.

Senesi 48:15

Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Senesi 48:3

Ti na pati loa Sakopo kia Sosefo : Na sa mai kiate au le Atua mafimafi i Luse, i le fenua o Kanaane, ti na tapuaki mai a ia kiate au.

Senesi 5:22

Ko Enoke, i le oki o le tupu o Metusela, na saele loa mo le Atua i fetuu e kau lelau tolu ; ti na fakatupu loa e ia ni vosa mo ni taineliki.

Senesi 5:24

Na saele loa Enoke mo le Atua ; ti na leaise toe maua loa a ia, talie na ave loa a ia e le Atua.

Senesi 6:9

Ko leinei le sakoga o Noe. Ko Noe ko se tagata agatonu mo maokioki a ia i lona tautupu. Na saele a Noe mo le Atua.

Uluaki tosi o Sau 2:4

o tupu ke fakasoko e le Eteleno le folafola leinei na fai e ia kiate au : Kapau e tokaga loa ou vosa ki olatou ala, o saele agatonu i oku mua, i lolatou loto katoa, ti mo lolatou laumalie katoa, e leaise ke toe mativa tagata loa i ou muli, ke ekeeke i le ekeekeaga fakasau o Iselaele.

Uluaki tosi o Sau 3:6

Na tali loa Salomone : Kua ke fakasa lou alofa ki lau tagata fakasausau ko Tavite, loku tamana, talie na saele a ia i ou mua i le agatonu, mo le maokioki, ti mo lona loto katoa kiate koe ; na ke taupau kiate ia le alofa lasi lena, ti na ke soli kiate ia se vosa leia kua ekeeke i lona ekeekeaga fakasau, ofaipe le nea kua tio ki ai i le aso nei.

Uluaki tosi o Sau 8:25

I le lakaga nei, Eteleno, Atua o Iselaele, fai ki lau tagata fakasausau ko Tavite, loku tamana, le fakapapau, o pati : E leaise ke mativa loa i se aso i se tagata ke ekeeke i le ekeekeaga fakasau o Iselaele i oku mua, mo kapau e tokaga loa ou vosa ki olatou ala ti mo lotou saele loa i loku agai ofaipe lau saele i loku agai.

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Sopo 11:7

Pe feala ke ke ului a manatu loloto a le Atua, mo ke kaku o iloa le lasi o lona Mafimafi ?

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Pesalemo 116:9

E kau saele loa i mua o le Eteleno, I le kele o le kau mauli.

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Ekesote 6:3

Na kau fakasa au kia Apalaamo, mo Isaake mo Sakopo, i loku igoa leia ko le Atua Mafimafi ; kae na leaise lotou iloa au i loku igoa leia ko le Eteleno.

Taagapati 10:9

Ko leia e saele i le agatonu e saele fimalie, Kae ko leia e saele i ni ala pikopiko e tapo loa i se aso.

Esaia 38:3

Ei Eteleno ! ke ke manatui na kau saele i ou mua i le agatonu mo le loto saosaoa, ti na kau fai le nea leia e malie ki ou mata ! Ti na tagi loa Esekiasi i le lasi o lona mamae.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Numelo 11:23

Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Numelo 24:16

Ko leinei le folafola a leia e logo ki folafola a le Atua, A leia e iloa ia a fakatuutuu loloto a le Taualuga, A leia e tio ki le tio a le Mafimafi, A leia e punou kae mavaa ona mata.

Mateo 19:26

Na tio loa Sesu kia latou, o pati : E leaise feala le nea lena ki tagata, kae e feala a nea fuli ki le Atua.

Mateo 5:48

Koia ke kotou malie tukupau, ofaipe lokoutou Tamana i Selo leia e malie tukupau.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Gaoi 23:1

I le tio fakamaumau a Paulo ki le kau fono, na pati loa a ia : Tagata fetaina, e iloa e loku loto na kau saele mea i mua o le Atua o kaku mai ki le aso nei…

Gaoi 24:16

Ti e kau faiga ke kau maua tuumau se loto mea i mua o le Atua mo mua o le tagata.

Efeso 3:20

Koia, ki leia e mafai ke fai ia o lasi maumau ake i nea fuli ala e tou kole pe tou manatu ki ai, i le makeke leia e gaoi ia tatou,

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Tetelonome 18:13

Ke ke agatonu katoa ki le Eteleno, lou Atua.

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Filipe 4:13

E kau mafai a nea fuli i leia e fakamakeke ia au.

Epelo 12:28

Koia o tupu kua tou maua se puleaga leia e leaise mafai ke lui, ke tou fakasa lotatou fakafetai o tuku ki le Atua se atolasio leia e malie kiate ia, i le alofa ti mo le i ;

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.