Senesi 16:8 - Tosi Tapu

⁸ Na pati loa a ia : Akale, ko le fafine fakasausau a Salai, e ke au meifea, ti e ke ano kifea ? Na tali loa a ia : E kau sola mamao meia Salai, ko loku aliki fafine.

Senesi 16:8 ပူးပေါင်းရင်းမြစ်များ

Senesi 16:1

Ko Salai, le avaga o Apalamo, na leaise soli ia se fanau kia Apalamo. Kae na i ai sana fafine fakasausau Esipito, na igoa ko Akale.

Senesi 16:4

Na ano loa a ia kia Akale, leia na tinae loa. I lana tio kua tinae a ia, na tio fakaveli loa Akale ki lona aliki fafine.

Senesi 16:9

Na pati loa le aselo o le Eteleno kiate ia : Ke ke toe liliu ki lou aliki fafine, ti ke fakataulalo i ona mua.

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 3:9

Kae na kalagai loa e le Eteleno Atua le tagata, o pati kiate ia : Kofea a koe ?

Senesi 4:10

Ti na pati loa le Atua : Kolea le nea leia kua ke fai ? E tagi mai kiate au le leo o le toto o lou taina mei le kele.

Uluaki tosi o Sau 19:13

I le logo loa a Elia ki ai, na puloui loa e ia ona mata ki lona taupulupulu, ti na ulu loa a ia ki fafo, o tuu i mua o le ana. Ti ko leinei, na fakasa loa e se leo kiate ia a folafola anei : Kolea e ke fai i leinei, Elia ?

Uluaki tosi o Sau 19:9

I ai, na ulu loa a ia ki le ana, ti na moe loa a ia i ai i le pouli. Ti ko leinei, na tuku loa le folafola a le Eteleno kiate ia, o pati : Kolea e ke fai i leinei, Elia ?

Lua tosi o Sau 5:25

Ti na ano loa Keasi ki mua o lona pule. Na pati loa Eliseo kiate ia : E ke au meifea Keasi ? Na tali loa a ia : Na leaise ano lau tagata fakasausau ki se ganea.

Ekelesiasi 10:4

Kapau e malaga le ita o lou pule kiate koe, aua na ke tiaki lou nofoaga, talie e fakamolemole ni sala lalasi e se tali agamalu.

Tuifakamaau 19:17

Na siki ake loa a mata o le matua, ti na tio loa a ia ki le tagata fanoga i le lapalasi o le kolo. Ti na pati loa le matua kiate ia : E ke ano kifea ? E ke au meifea ?

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !