Senesi 16:16 - Tosi Tapu

¹⁶ Na fetuu kau valu tupu ono Apalamo i le fanaui e Akale o Isemaele kiate ia.

Senesi 16:16 ပူးပေါင်းရင်းမြစ်များ

Senesi 12:4

Na ano loa Apalamo, o mulimuli ki le pati a le Eteleno kiate ia, ti na ano loa a Lote mo ia. Na fetuu kau fitu tupu lima Apalamo, i lana mavae mei Salani.

Senesi 16:15

Na fanaui loa e Akale se vosa kia Apalamo ; ti na soli loa e Apalamo le igoa ko Isemaele ki le vosa lena na fanaui e Akale kiate ia.

Senesi 16:3

Ti na too loa e Salai, le avaga o Apalamo, a Akale, ko le fafine Esipito leia ko lana fafine fakasausau, o soli ke avaga mo Apalamo, ko lona avaga totonu, i le sili o fetuu e kau agafulu ki le nofo o Apalamo i le fenua o Kanaane.

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 17:25

Na fetuu kau agafulu tupu tolu Isemaele lona vosa, i le aso leia na silikosisio ai a ia.

Senesi 21:5

Na fetuu kau lelau Apalaamo i le tupu o lona vosa ko Isaake.

Senesi 25:17

Ti ko nei a fetuu o le mauli o Isemaele : ko fetuu e kau lelau kau tolu. Na tuku loa e ia lona laumalie ti mate loa a ia, ti na fakatasi loa a ia mo lona kakai.