Senesi 16:11 - Tosi Tapu

¹¹ Na pati loa le aselo o le Eteleno kiate ia : Ko leinei kua ke tinae, ti e ke fanaui loa se tama, ti e ke soli loa kiate ia le igoa ko Isemaele ; talie kua logo le Eteleno ki lau tagi i lou mamae.

Senesi 16:11 ပူးပေါင်းရင်းမြစ်များ

Senesi 17:19

Na pati loa le Atua : E maoki e fanaui loa e lau avaga ko Sala se vosa kiate koe ; ti e ke soli loa kiate ia le igoa ko Isaake. E kau fakatuu loa laku sai mo ia ti mo lona sakoga i ona muli. E tuu loa a ia ko se sai lee gato.

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 37:25

Na lotou tonatona loa ki lalo o kai. Na lotou tio loa ki se fanoga a se kau Isemaele. Na lotou au mei Kalaate, ti na lotou ano ki Esipito. Na amo e alatou kamelo ni laakau fakamanogi, mo ni kaloni, mo se mila.

Pesalemo 22:24

Ko koutou ala e i ki le Eteleno, ke kotou vikiviki kiate ia ! Ko koutou fuli ko le sakoga o Sakopo, ke kotou fakakololia kiate ia ! Ke kotou lulu i ona mua, kotou fuli ko le sakoga o Iselaele !

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 3:9

Ko leinei, kua kaku mai a tagi a Iselaele kiate au, ti kua kau tio ki lolatou fakavelivelii e le kau Esipito.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Luka 1:13

Kae na pati loa le aselo kiate ia : Aua na ke i, Sakalia, talie kua tali lau kole. E fanaui loa e lou avaga ko Elisapeta se vosa kiate koe, ti e ke soli loa kiate ia le igoa ko Soane.

Luka 1:31

Ti ko leinei, e ke tinae loa, ti e ke fanaui loa se tama, ti e ke soli loa kiate ia le igoa ko Sesu.

Luka 1:63

Na kole loa e Sakalia se ga pepa, ti na tosi loa e ia ki ai : Ko Soane lona igoa. Na lotou punamauli fuli loa.

Uluaki tosi a Samuele 1:20

I le fetuu lena, na tinae loa a Ana, ti na fanaui loa e ia se tama, leia na fakaigoa loa e ia ko Samuele, talie na pati loa a ia : Na kau kole a ia ki le Eteleno.