Senesi 15:8 - Tosi Tapu

⁸ Na tali loa Apalamo : Aliki Eteleno, e kau iloa feaki loa e kau maua loa a ia ?

Senesi 15:8 ပူးပေါင်းရင်းမြစ်များ

Senesi 15:9

Ti na pati loa le Eteleno : Too se pipi fafine muli e fetuu tolu, mo se koti e fetuu tolu, mo se ovi tagata e fetuu tolu, mo se kulukulu, ti mo se lupe muli.

Senesi 28:4

Ke tuku atu e ia kiate koe mo lou sakoga le tapuaki a Apalaamo, o tupu ke ke maua tofiga le fenua leia e ke nofo ai ofaipe se tagata matapule, leia kua soli e ia kia Apalaamo.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Lua tosi o Sau 20:8

Na pati loa Esekiasi kia Esaia : Pe kau iloa loa i le fakamailoga fea e fakamauli loa au e le Eteleno ti e kau pale loa i le tolu o aso ki le fale o le Eteleno ?

Pesalemo 86:17

Fai se fakamailoga kiate au, Ke tio ki ai oku fili ti ke lotou laulaunoa ! Talie e ke tokoi kiate au, ti e ke fakapelepele au, ei Eteleno !

Esaia 7:11

Kole kiate koe se fakamailoga mei le Eteleno, lou Atua ; kole a ia, mei ganea loloto o le kele, pe mei potu taualuga o le lagi.

Selemia 34:18

E kau tuku loa a tagata ala na maumaui ia laku sai, ala na leaise fakaapaapa ki le fakapapau leia na lotou fai i oku mua, o tuuti i loto malie le uviki pipi ti mo fakalaka i vasa o inati ;

Selemia 34:19

E kau tuku loa a pule o Suta, mo pule o Selusalemi, mo enuke, mo tagata faisakilifisio, mo le kakai katoa o le fenua, ala na fakalaka i vasa o inati ;

Luka 1:18

Na pati loa Sakalia ki le aselo : E kau iloa loa i lea le nea a ia ? Talie kua kau matua, ti kua lasi fetuu o loku avaga.

Luka 1:34

Na pati loa Malia ki le aselo : Pe soko feaki loa le nea lena, talie e leaise kau iloa se tagata ?