Senesi 15:6 - Tosi Tapu

⁶ Na tui loa Apalamo ki le Eteleno, leia na totogi ia loa kiate ia lana tui ki le faitotonu.

Senesi 15:6 ပူးပေါင်းရင်းမြစ်များ

Neemia 9:8

Na ke iloa loa lona loto na faitotonu i ou mua, na ke fai loa se sai mo ia, ti na ke fakapapau loa ke soli ki lona sakoga le fenua o le kau Kanaane, mo le kau Eti, mo le kau Amole, mo le kau Felesi, mo le kau Sepusi ti mo le kau Kilekasi, ti na ke taupau lau fakapapau, talie e ke faitotonu.

Pesalemo 106:31

Na lau loa le nea lena kiate ia ko se faitotonu I tautupu ki tautupu, o lee gato.

Loma 4:11

Ti na tali loa e ia le fakamailoga o le silikosisio, ofaipe se fakamaoki o le faitotonu leia na maua e ia i le tui kae koi lee silikosisio a ia, o tupu ke liliu a ia ko le tamana o le kau lee silikosisio fuli ala e tui, ti ke lau foki le faitotonu kia latou,

Loma 4:9

Pe gato fai le manuia lena i le kau silikosisio, pe toe kau foki ki ai le kau lee silikosisio ? Talie e tou pati kua lau le tui a Apalaamo ko se faitotonu kiate ia.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Epelo 11:8

Ko le tui leia na fakalogo ai loa Apalaamo ki le kalaga a le Atua, ti na ano ai loa a ia ki se fenua leia e tonu ke maua tofiga e ia, ti na ano loa a ia kae na leaise iloa e ia le ganea leia na ano a ia ki ai.

Sakopo 2:23

Na fakamaoki i ai le nea leia e fakasa e le Tosi : Na tui Apalaamo ki le Atua, ti na lau le nea lena kiate ia ko se faitotonu ; ti na fakaigoa a ia ko le kaukau nea o le Atua.