Senesi 15:2 - Tosi Tapu

² Na tali loa Apalamo : Aliki Eteleno, kolea le nea leia e ke soli mai loa kiate au ? E kau ano, kae e leai saku fanau ; ti ko leia e maua ia loa a koloa o loku fale, ko Eliesele o Tamaso.

Senesi 15:2 ပူးပေါင်းရင်းမြစ်များ

Senesi 14:15

Na vae loa e ia lana solia, ke osoi latou i le pouli. Na tamate loa e ia a sau o kaku ki Sopa, leia e tuu i le fetuu sema o Tamaso.

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 15:3

Ti na pati loa Apalamo : Ko leinei, na leaise ke soli mai kiate au soku sakoga, ti ko leia na tupu i loku fale e maua ia loa loku tofiga.

Senesi 24:10

Na too loa e le tagata fakasausau ni kamelo e kau agafulu i kamelo a lona aliki, o teki ki ai a koloa malilie fuli o lona aliki, ti na ano loa a ia. Na fanoga loa a ia ki Mesopotamia, ki le kolo o Nakole.

Senesi 24:2

Na pati loa Apalaamo ki lana tagata fakasausau, leia na matua i lona fale, leia na pule ki ana nea fuli. E kau kole atu kiate koe, ke ke velo mai lou lima ki lalo o loku tega ;

Senesi 25:21

Na faikole loa Isaake ki le Eteleno o tupu ko lana avaga, talie na paa a ia. Ti na tali loa e le Eteleno lana kole, ti na tinae loa lana avaga ko Lepeka.

Senesi 39:9

E leaise lasi ake a ia iate au i le fale leinei, ti e leaise tapui e ia se nea kiate au, gato fua kiate koe, talie ko lana avaga a koe. E feaki loa ke kau fai se nea veli fenaaki kiate ia, ti ke kau toe agasala ai ki le Atua ?

Senesi 43:19

Na lotou fakafeofi loa ki le pule o le fale o Sosefo, ti na lotou masau loa kiate ia, i mua o le matapa.

Senesi 44:1

Na tuku loa e Sosefo le fakatotonu leinei ki le pule o lona fale : Faofao ke apelepele i nea kai a taga a tagata anei, o mulimuli ki lalatou ma ave ia, ti ke tuku loa le paaga a le tagata taki toka tasi ki le gutu o lana taga.

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Taagapati 13:12

Ko le amanaki malie leia na leaise soko e fakatupu masaki ki le loto, Kae ko le amanaki malie leia na soko e faipe se laakau o le mauli.

Taagapati 17:2

Ko se tagata fakasausau poto e pule ki le vosa leia e fakalumaluma, Ti e kau loa a ia i le tofiga i loto malie o fetaina.

Esaia 17:1

Folafola ki Tamaso. Ko leinei, e leaise koi nofo Tamaso ko se kolo, Kae e liliu loa a ia ko se tuuga fale maumau.

Esaia 56:5

E kau soli loa i loku fale mo oku paa se nofoaga ti mo se igoa E malilie ake i ni vosa ti mo ni taineliki ; E kau soli loa kia latou se igoa lee gato, Leia e leaise toe mate loa.

Selemia 49:23

Ki Tamaso. Kua luma Amati mo Alepati, Talie kua la maua se logo veli, e la lulu ; Ko se tai malagalaga Leia e leaise feala ke toe tokamalie.

Gaoi 7:5

Ti na leaise soli loa e ia kiate ia se ga kele i le fenua leinei, pe ko se ganea fua ke teki ai lona vae, kae na fakapapau loa e ia ke soli le fenua katoa ma ana, ti mo lona sakoga ki muli iate ia, kae na leikiai fua sana fanau.

Lute 2:6

Na tali loa le tagata fakasausau leia na leoleo ki le kau tuuti fulumeto : Ko se fafine Moape leia na au mo Naomi mei le fenua o Moape.

Uluaki tosi a Samuele 1:11

Na fai loa e ia se fakapapau, o pati : Eteleno o kau tau ! kapau e ke alofa loa o tagaki mai ki le mamae o lau fafine fakasausau, kapau e ke manatui loa au ti e leaise ke galoi loa lau fafine fakasausau, ti kapau e ke soli loa ki lau fafine fakasausau se vosa, e kau momoli loa a ia ki le Eteleno i lona mauli katoa, ti e leaise fakalaka loa le tele i lona ulu.