Senesi 15:17 - Tosi Tapu

¹⁷ I le galo o le laa, na vilo loa se fakapouli lasi ; ti fokifa kua sa loa se afi kaka leia na kokofu mo ulaula, o fakalaka i loto malie o manu ala na paipaisi.

Senesi 15:17 ပူးပေါင်းရင်းမြစ်များ

Senesi 15:10

Na too loa e Apalamo a manu fuli ana, o fakapaipaisi latou i loto malie, ti na fakaatu loa e ia a inati o fakafeagaaki. Kae na leaise fakapaipaisi loa e ia a manu lele.

Lua tosi a Samuele 22:9

Na malaga loa se afu mei ona pogoisu, Ti na ulu loa se afi kaka mei lona gutu : Na mapuna loa mei ai ni malala ulaula.

Uluaki tosi o Sau 18:38

Ti na vilo loa le afi a le Eteleno o tutu le failaulau, mo le fafie, mo fatu, ti mo le kele, ti na malo loa le vai leia na tafe i le kanivo.

Uluaki tosi o Koloniko 21:26

Na fakatuu loa e Tavite se aletale ki le Eteleno, ti na momoli loa e ia ni failaulau mo ni sakilifisio fakafetai. Na kalaga loa a ia ki le Eteleno, ti na tali loa le Eteleno kiate ia ki le afi, leia na ifo loa mei le lagi, o tutu le failaulau i aluga o le aletale.

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Esaia 62:1

I loku alofa ki Sione e leaise kau fakalologo loa, I loku alofa ki Selusalemi e leaise kau malolo loa, O kaku ki le sa o lona fakamauli, ofaipe le mafoata, Ti mo lona saofaki, ofaipe se taume leia e ulaula.

Selemia 11:4

Leia na kau tuku ki okoutou tamana, I le aso leia na kau fakamavae ai latou mei le fenua o Esipito, Mei le gutuumu ukamea kaka, o pati : Kotou fakalogo ki loku leo, ti kotou fai a nea fuli ala e kau fakatotonu atu loa kia koutou ; Ti e kotou liliu loa ko loku kakai, Ti e kau liliu loa ko lokoutou Atua.

Tetelonome 4:20

Kae ko koutou, kua too koutou e le Eteleno, ti na fakamavae e ia koutou mei le gutuumu ukamea o Esipito, ke kotou soko ko le kakai o lona tofiga totonu, ofaipe lakotou nofo i le aso nei.

Tuifakamaau 13:20

Na pale ake loa le ula o le failaulau i aluga o le aletale ki le lagi, ti ko leinei, kua pale ake loa le aselo o le Eteleno i loto malie o le ula o le aletale. I le tio a Manoa mo lona avaga ki le nea lena, na la fakavilo loa o fakatau ola mata ki le kele.

Tuifakamaau 6:21

Na falo loa e le aselo o le Eteleno le tokotoko leia na too e ia i lona lima o fakalave lona tumutumu ki le kanoi manu mo pane sala fakatupu. Ti na mafuta loa le afi i le fatu, o tutu le kanoi manu mo pane sala fakatupu. Ti na puli loa le aselo o le Eteleno i ona mata.