Senesi 15:15 - Tosi Tapu

¹⁵ Ko koe, e ke ano loa i le tokamalie ki ou tamana, ti e tanu loa a koe i le oki o se temi matua malie.

Senesi 15:15 ပူးပေါင်းရင်းမြစ်များ

Senesi 23:19

I le oki o le nea lena, na tanu loa e Apalaamo a Sala, lana avaga, i le ana lena na tuu i le faisaga o Makepela, i le potu esite o Mamele leia ko Epelone, i le fenua o Kanaane.

Senesi 23:4

Ko au ko se matapule leia e nofo i lotolotoga o koutou ; kotou soli mai kiate au se tanuma i lokoutou kele, ke kau tanu ai loku mate, ti ke kau too a ia mei oku mua.

Senesi 35:29

Na tuku loa e Isaake lona laumalie, ti na mate loa a ia, ti na fakatasi loa a ia ki lona kakai, kua matua ai ti kua makona i aso. Na tanu loa a ia e ona vosa ko Esau mo Sakopo.

Senesi 47:30

Ka kau moe loa o fakatasi mo oku tamana, ke ke ave loa au ke mamao mei le fenua o Esipito, ti ke tanu loa au i le tanuma o oku tamana. Na tali loa Sosefo : E kau fai loa o mulimuli ki lau masau.

Senesi 49:29

Ti na tuku loa e ia kia latou le fakatotonu leinei : Ka kau ano loa ki loku kakai ; ke kotou tanu loa au i le tanuma o oku tamana, i le ana leia e tuu i le faisaga o le tagata Eti ko Efelone,

Senesi 49:31

Kua tanu i ai Apalaamo mo lana avaga ko Sala ; Kua tanu i ai Isaake mo lana avaga ko Lepeka ; ti na kau tanu foki i ai a Lea.

Senesi 50:13

Na lotou ave loa lolatou tamana ki le fenua o Kanaane, ti na lotou tanu loa a ia i le ana o le faisaga o Makepela, leia na totogi e Apalaamo kia Efelone, ko le tagata Eti, mo ona tanuma fakafamili, ti na ofi ki Mamele.

Uluaki tosi o Koloniko 23:1

Na soko loa kua matua ai Tavite, ti na fakanofo loa e ia Salomone, lona vosa ke sau i Iselaele.

Uluaki tosi o Koloniko 29:28

Na mate loa Tavite i lona matua malie, kua lasi ona aso, mo lona koloa, ti mo lona kololia, ti na sau loa Salomone, lona vosa, o fetogi a ia.

Lua tosi o Koloniko 34:28

E ke mate loa ti e tanu loa a koe i le tokamalie i tafa o ou tamana, ti e leaise tio loa ou mata ki malaia fuli ana, ala ka vilo loa ki le ganea leinei mo lona kakai. Na lotou ano loa o fakasa ki le sau le tali a Uleta, le fafine polofeta.

Sopo 42:17

Ti na mate matua loa a Sopo, kua makona i fetuu.

Sopo 5:26

E ke ulu loa ki le tanuma i le matua malie, ofaipe le ave o le fuiga fulumeto i lona temi totonu.

Pesalemo 37:37

Ke ke tio ki le tagata leia e saosaoa, Ti ke ke tokaga ki le tagata leia e agatonu ; Talie e i ai se sakoga ki le tagata o le tokamalie.

Pesalemo 49:19

E pakia loa a ia i le pati na fiafia a ia i lona mauli, E gaegae loa le fakamalo kiate koe o tupu ko fakafiafia ala na ke soli,

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Ekelesiasi 6:3

Kapau e maua loa e se tagata ni vosa e kau lelau, ti e mauli loa a ia i ni fetuu mauke, kae na leaise fiafia lona laumalie i lona mauli loa lena, ti na leaise fai sona putu i lona mate, e kau pati e malie ake le toe leia kua mate i lona fanaui i le tagata lena.

Taniela 12:13

Ti ko koe, Taniela, ke ke saele ki le gatoaga. Ti e ke malolo loa, ti e ke tuu ake loa ki lou fakapale i le fakaoki o aso.

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Numelo 27:13

E ke tio loa ki ai, kae ko koe foki, e tanaki loa a koe ki lou kakai, ofaipe lou taina ko Alone ;

Mateo 22:32

Ko le Atua au o Apalaamo, le Atua o Isaake, le Atua o Sakopo ? Ko le Atua e leaise ko le Atua a ia o le kau mate, kae ko le Atua a ia o le kau mauli.

Gaoi 13:36

Kae ko Tavite, i le oki o lana fai i lona tautupu le finegalo o le Atua, na mate loa a ia ti kua tanu a ia mo ona tamana, ti kua pala lona tino.

Tetelonome 31:16

Na pati loa le Eteleno kia Moisese : ko leinei ka ke mate loa. Ti ko le kakai leinei e malaga ake loa ki aluga o faiaga mo atua kese o le fenua leia ka ulu loa a ia ki ai. E tiaki loa e ia au ti e maumaui loa e ia laku sai, leia na kau fakamaoki mo ia.

Tuifakamaau 2:10

Ti na mamate fuli loa le tautupu katoa lena, ti na nake loa i ona muli se tasi ake tautupu leia na leaise iloa ia le Eteleno mo gaoiaga lalasi ala na fai e le Eteleno ki Iselaele.