Senesi 15:13 - Tosi Tapu

¹³ Ti na pati loa le Eteleno kia Apalamo : Ke ke iloa papau e nofo matapule loa lou sakoga i se fenua kese. E lotou nofo popula loa i ai, ti e lotou fakavelivelii loa i ai i fetuu e kau lelau fa.

Senesi 15:13 ပူးပေါင်းရင်းမြစ်များ

Senesi 15:16

I le fa o tautupu, e lotou toe liliu mai loa ki leinei ; talie e leikiaise kaku le agasala o le kakai Amole ki lona apele malie.

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 47:4

Ti na lotou toe pati foki kia Falaone : Kua veli ai le oge i le fenua o Kanaane, ti e leaise koi maua se nea ke fagai ai a manu o au tagata fakasausau, koia kua motou au ai o nofo fakatemi i le fenua nei. Ke ke fakataga ki au tagata fakasausau ke lotou nonofo i le fenua o Koseni.

Pesalemo 105:42

Talie na manatui loa e ia lana folafola maokioki, Ti mo Apalaamo, lana tagata fakasausau.

Ekesote 1:11

Ti na fakanofo loa ni pule gaoi, o tupu ke lotou fakamamae latou ki ni kavega mamafa. Koia na fakatuu ai loa a kolo o Pitomi mo Lamisese, ke tanaki ai a koloa o Falaone.

Ekesote 1:13

Koia na fakapopulai fakaveliveli loa e le kau Esipito a fanau a Iselaele.

Ekesote 1:14

Na lotou fakamamae lolatou mauli ki ni gaoi mamafa ki le kelepulu, mo le fau piliki, ti mo gaoi kesekese i faisaga. Ti na lotou fakamaua kia latou a gaoi fuli ana ki le aga tukipo.

Ekesote 2:24

Na logo loa le Atua ki alatou tagi, ti na manatui loa e ia lana fakapapau kia Apalaamo, mo Isaake, mo Sakopo.

Ekesote 22:21

Aua na ke fai fakaveliveli loa le matapule, pe ke fakagaoi fakamakeke loa a ia ; talie na kotou matapule i le fenua o Esipito.

Ekesote 23:9

Aua na ke fakagaoi fakamakeke ia loa le matapule ; e kotou iloa le nea leia e logoi e ia, talie na kotou matapule i le fenua o Esipito.

Ekesote 3:10

Koia, i le aso nei, e kau kakau loa a koe ke ano kia Falaone, ti e ke fakamavae loa mei Esipito loku kakai, a fanau a Iselaele.

Ekesote 3:17

ti kua kau pati : E kau fakamavae loa koutou mei Esipito, mei le ganea leia e kotou mamae ai, ti e kau ave loa koutou ki le fenua o le kau Kanaane, mo le kau Eti, mo le kau Amole, mo le kau Felesi, mo le kau Evi, mo le kau Sepusi, ki se fenua leia e tafe ai le sua manu mo le meli.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Levitiko 19:34

E kotou fai loa kiate ia ofaipe se tasi o koutou ; e kotou alofa loa kiate ia ofaipe koutou totonu, talie na kotou matapule foki i le fenua o Esipito. Ko au ko le Eteleno, ko lokoutou Atua.

Numelo 20:15

Na ifo omatou tamana ki Esipito, ti na motou nonofo i ai o fualoa. Kae na fakavelivelii matou e le kau Esipito ti mo omatou tamana.

Gaoi 7:17

Na ofi mai loa le temi leia na tonu ke fakasoko ai le fakapapau leia na fai e le Atua kia Apalaamo ; ti na tupu loa o toka api ai le kakai i Esipito,

Kalate 3:17

Ko leinei le nea leia e kau fia fakasa ia : Ko se sai leia kua fakamaoki e le Atua i mua, e leaise mafai ke toe soloi a ia, ti e leaise toe mafai foki ke fakanoai le fakapapau leia e muli i ai, e le lao leia na tuku kae kua sili ki ai fetuu e kau lelau fa kau tolu.

Tetelonome 10:19

Koia, ke kotou toe alofa loa ki le matapule, talie na kotou matapule i le fenua o Esipito.

Tetelonome 5:15

Ke ke manatui loa na ke popula i le fenua o Esipito, ti na fakamavae a koe mei ai e le Eteleno, lou Atua, ki lona lima makeke : koia na fakatotonu ai kiate koe e le Eteleno, lou Atua, ke ke tausi le aso o le malolo.