Senesi 15:1 - Tosi Tapu

¹ I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 15:1 ပူးပေါင်းရင်းမြစ်များ

Senesi 15:2

Na tali loa Apalamo : Aliki Eteleno, kolea le nea leia e ke soli mai loa kiate au ? E kau ano, kae e leai saku fanau ; ti ko leia e maua ia loa a koloa o loku fale, ko Eliesele o Tamaso.

Senesi 15:4

Ti na folafola loa le Eteleno kiate ia : E leaise ko ia leia e maua ia loa lou tofiga, kae ko leia e au loa mei ou tootooga ka maua ia loa lou tofiga.

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 22:1

Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Senesi 22:20

I le sili o nea ana, na fakasa loa kia Apalaamo, o pati : Ko leinei, kua fanaui foki e Milika ni tamaliki kia Nakole, lou taina.

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 31:7

Ti na kakai au e lokoulua tamana, o fetogi tua kau agafulu e ia loku totogi ; kae na leaise fakataga e le Atua ke fai e ia se nea veli kiate au.

Lua tosi a Samuele 22:3

Ko le Atua ko loku utu, leia e kau maua ai se fakamalumaluaga, Ko loku paletau mo le makeke leia e saofaki ia au, Ko loku maloloaga taualuga mo loku kolo ulufaga. Ei loku Fakamauli ! e ke puipui au mei le fakamakeke.

Lua tosi o Sau 1:15

Na pati loa le aselo o le Eteleno kia Elia : Ifo mo ia, ti aua na ke i fua kiate ia. Na tuu ake loa Elia, o ifo mo ia ki le sau.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Pesalemo 115:10

Fale o Alone, fanaki ki le Eteleno ! Ko ia ko lolatou tokoi mo lolatou paletau.

Pesalemo 119:114

Ko koe ko loku mumuniaga mo loku paletau ; E kau amanaki malie ki lau fakapapau.

Pesalemo 142:5

Tagaki ou mata ki le fetuu atamai, o tio ! E leaise iloa au e se tasi, Kua puli a mumuniaga fuli kiate au, E leaise tokaga se tasi ki loku laumalie.

Pesalemo 18:2

E kau alofa kiate koe, Eteleno, loku makeke !

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 3:3

E toka api latou ala e masau o uiga mo au : E leaise toe maua se fakamauli kiate ia i tafa o le Atua ! -Manava.

Pesalemo 3:4

Kae ko koe, ei Eteleno ! ko loku paletau a koe, Ko loku kololia a koe, ti e ke toe lagai loku ulu ki aluga.

Pesalemo 5:12

Ti e fiafia loa latou fuli ala e fanaki kiate koe, Ti e lotou kalaga fiafia loa o lee gato, ti e ke malui loa latou. E ke liliu loa ko se fiafiaaga kia latou ala e alofa ki lou suafa.

Pesalemo 58:11

E fiafia loa le tagata agatonu i lana tio ki le totogi ; E fufulu loa e ia ona vae i le toto o le kau agaveli.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Pesalemo 84:9

Eteleno, le Atua o kau tau, fakalogo mai ki laku kole ! Fakalogo mai lou taliga, Atua o Sakopo ! - Manava.

Pesalemo 91:4

E ofaki loa e ia a koe ki ona fului manu, Ti e ke maua loa se mumuniaga i lalo o ona lalo kapakau ; Ko lona agatonu ko se paletau ti ko se kofu tau.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Taagapati 30:5

Ko folafola fuli a le Atua e mea. Ko se paletau a ia kia latou fuli ala e afa ia se mumuniaga iate ia.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 40:10

Ko leinei, le Aliki, le Eteleno e au i lona mafimafi, Ti e pule lona lima ; Ko leinei, e au a ia mo le totogi, Ti e muamua a fakapale iate ia.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:5

Aua na ke i ki se nea, talie e kau nofo mo koe ; E kau toe aumai loa mei le potu esite lou lanu, Ti e kau fakatasi mai loa a koe mei le potu uesite.

Esaia 44:2

Ko leinei le folafola a le Eteleno, leia na fakatupu ia a koe, Leia na fau ia a koe mei lou tupu, Leia ko lou fanakiaga : Aua na ke i ki se nea, ei laku tagata fakasausau ko Sakopo, Ei laku Iselaele, leia na kau filifili.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Selemia 39:17

Kae e pati le Eteleno, i le aso lena, e kau saofaki loa a koe, ti e leaise tuku loa a koe ki lima o tagata, ala e ke i ki ai.

Tagi laulau a Selemia 3:24

E pati loku laumalie : Ko le Eteleno ko loku vaega, Koia e kau fia amanaki malie ai kiate ia.

Esekiele 1:1

I le kau tolu fetuu, i le aso lima o le masina fa, i laku nofo mo le kakai popula i le vaitafe o Kepale, na mavaa loa le lagi ti na kau tio loa ki ni nea fakaatua.

Esekiele 11:24

Ti na too loa au e le Laumalie, o ave ki Kaletea ki le kau popula ; ti na puli loa le nea leia na kau tio ki ai i oku aluga.

Esekiele 3:4

Na pati mai a ia kiate au : Vosa o le tagata, ano ki le fale o Iselaele, ti ke fakasa kia latou aku folafola !

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Numelo 18:20

Na pati loa le Eteleno kia Alone : E leaise ke maua ia loa se tofiga i lolatou fenua, ti e leaise ke maua ia loa se vaega i loto malie o latou ; ko au ko lou vaega mo lou tofiga, i loto malie o fanau a Iselaele.

Numelo 24:4

Ko leinei le folafola a le tagata leia e logo ki folafola a le Atua, A leia e tio ki le tio a le Mafimafi, A leia e punou kae mavaa ona mata.

Mateo 28:5

Kae na masau loa le aselo, o pati ki fafine : Kia koulua, aua na kolua i ; talie e kau iloa e kolua afa Sesu leia na tutuki i le koluse.

Mateo 8:26

Na pati loa a ia kia latou : Kolea e kotou i ai, kakai tui gaegae ? Na tuu loa a ia ki aluga, o feau le matagi mo le tai, ti na tokamalie lasi loa.

Luka 1:13

Kae na pati loa le aselo kiate ia : Aua na ke i, Sakalia, talie kua tali lau kole. E fanaui loa e lou avaga ko Elisapeta se vosa kiate koe, ti e ke soli loa kiate ia le igoa ko Soane.

Luka 1:30

Kae na pati loa le aselo kiate ia : Aua na ke i, Malia, talie kua ke maua se kalasia i mua o le Atua.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Gaoi 10:22

Ti na lotou tali loa : Ko Kolenelio, ko se setulio Loma, tagata agatonu mo alofa ki le Atua, leia kua fakamaoki ki ai le puleaga katoa o le kau Sutea, na fakasa kiate ia e le Atua i lana aselo maokioki ke aumai a koe ki lona fale, ke logo a ia ki au folafola.

Uluaki tosi ki le kau Kolinto 3:22

Pe ko Paulo, pe ko Apolosio, pe ko Sefasi, pe ko le malama nei, pe ko le mauli, pe ko le mate, pe ko nea o le temi nei, pe ko nea o le temi ka au.

Tetelonome 18:2

E leaise lotou maua loa se tofiga i loto malie o olatou fetaina : ko le Eteleno ko lolatou tofiga a ia, o fai ki lana fakasa kia latou.

Tetelonome 31:6

Ke kotou fakamakeke ti ke kotou loto makeke ! Ke aua na kotou i ti ke aua na kotou lulu i olatou mua, talie e saele loa le Eteleno, lou Atua, mo koe ; e leaise mavae loa a ia meiate koe, e leaise tiaki loa e ia a koe.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !

Lute 2:12

Ke totogi e le Eteleno au gaoi kiate koe, ti ke soli atu se totogi lasi kiate koe e le Eteleno, le Atua o Iselaele, leia kua ke au o mumuni i lalo o ona kapakau !

Uluaki tosi a Samuele 15:10

Na masau loa le Eteleno kia Samuele, o pati :

Uluaki tosi a Samuele 9:9

I le temi mua i Iselaele, ka ano o afa ki le Atua, na pati loa : Kotou au, ke tou ano ki le tagata kikite ! Talie ko leia e igoa i le temi leinei ko le polofeta, na igoa a ia i le temi mua ko le tagata kikite.