Senesi 14:18 - Tosi Tapu

¹⁸ Na fakatotonu loa e Melekiseteke, sau o Salemi, ke avake se pane mo se vino : na pelepitelo a ia o le Atua Taualuga.

Senesi 14:18 ပူးပေါင်းရင်းမြစ်များ

Lua tosi a Samuele 2:5

Ti na kakau loa e Tavite ni tagata avelogo ki le kakai o Sapesi i Kalaate, ke pati kia latou : Ke tapuaki le Eteleno kia koutou, talie na kotou fakasa lokoutou agamalie kia Saulo, lokoutou pule, ti na kotou tanu a ia.

Pesalemo 104:15

Le vino leia e fakafiafia ia le loto o le tagata, Ti mo le lolo leia ke fakagigila ia ona mata, Ti mo le pane leia ke fakamakeke ia le mafu o le tagata.

Pesalemo 110:4

Na fakapapau le Eteleno, ti e leaise toe fakasemala loa a ia ki ai : Ko le tagata faisakilifisio a koe o lee gato, i le faasiga o Melekiseteke.

Pesalemo 50:14

Ke ke momoli ni sakilifisio ki le Atua ko ni fakafetai, Ti ke ke fai au fakapapau ki le Taualuga.

Pesalemo 57:2

Alofa mai kiate au, ei Atua, alofa mai kiate au ! Talie e fanaki loku laumalie kiate koe ; E kau afa se mumuniaga i le malu o ou kapakau, O kaku ki le oki o malaia.

Pesalemo 7:17

E toe vilo lana agaveli ki lona ulu, Ti e toe ifo lana agaitaita ki lona tumuaki.

Pesalemo 76:2

E iloa le Atua i Suta, E lasi lona suafa i Iselaele.

Pesalemo 76:3

E tuu lona falela i Selusalemi, Ti ko lona nofoaga i Sione.

Taniela 4:31

Kae e leikiaise oki le masau mei le gutu o le sau, kae ko leinei, na au loa se leo mei le lagi : Ke ke iloa, sau ko Nepukatenesale, e too loa lou puleaga meiate koe.

Mikea 6:6

Kolea le nea ke ano mo au ki mua o le Eteleno, Ke kau fakataulalo ai i mua o le Atua Taualuga ? Pe kau ano loa ki ona mua mo ni failaulau, Mo ni uviki pipi fetuu taki tasi ?

Numelo 18:28

E kotou too fenaaki loa se moliga ki le Eteleno i vaega kau agafulu fuli ala e kotou tali loa mei fanau a Iselaele, ti e kotou soli loa kia Alone le moliga leia na kotou too loa i ai ki le Eteleno.

Numelo 24:16

Ko leinei le folafola a leia e logo ki folafola a le Atua, A leia e iloa ia a fakatuutuu loloto a le Taualuga, A leia e tio ki le tio a le Mafimafi, A leia e punou kae mavaa ona mata.

Gaoi 16:17

Ti na muli loa a ia ia Paulo mo matou, o kalaga : Ko tagata anei ko ni tagata fakasausau a le Atua Taualuga, ti e lotou fakasa atu kia koutou le ala o le mauli.

Gaoi 7:48

Kae e leaise nofo le Taualuga i le nea leia na fai e le lima o le tagata, ofaipe lona fakasa e le polofeta :

Kalate 6:10

Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Epelo 5:10

talie kua fakasa e le Atua ko le pule fai sakilifisio a ia o mulimuli ki le faasiga o Melekiseteke.

Epelo 5:6

E toe pati foki a ia i le tasi ake ganea : E ke pule fai sakilifisio o lee gato, Omulimuli ki le faasiga o Melekiseteke.

Epelo 6:20

i le ganea leia kua ulu ki ai Sesu ofaipe se tagata kua muamua kia tatou, leia kua fakanofo ko le pule fai sakilifisio o lee gato, o mulimuli ki le faasiga o Melekiseteke.

Epelo 7:1

Talie ko le Melekiseteke lena, ko le sau o Salemi, ti ko le tagata fai sakilifisio a le Atua taualuga ; na ano a ia ki mua o Apalaamo i lana toe liliu mei le lava o le kau sau, ti na tapuaki loa a ia kia Apalaamo ;

Lute 3:10

Ti na pati loa Poase : Ke tapuaki le Eteleno kiate koe, ei loku taine ! Ko le nea leinei kua ke fai e fakamaoki ki lou agatonu ki le famili o lou avaga, ti e toe lasi ake a ia i nea fuli ala na ke fai. Talie na leaise ke afa ia le alofa o ni tagata koi muli, pe mou koloa pe mativa.