Senesi 14:14 - Tosi Tapu

¹⁴ I le maua e Apalamo o le logo kua ave popula lona taina, na tufa loa e ia ni masafu ki tino lelau e tolu mo le tino agafulu tupu valu o ana tagata fakasausau loto toa, ala na tupu i lona fale, ti na kapu loa e ia a sau o kaku ki Tane.

Senesi 14:14 ပူးပေါင်းရင်းမြစ်များ

Senesi 12:16

Na agamalie loa Falaone kia Apalamo o tupu ko le fafine ; ti na soli loa e Falaone kia Apalamo ni ovi, mo ni pipi, mo ni asino, mo ni tagata fakasausau, mo ni fafine fakasausau, mo ni asino fafine, ti mo ni kamelo.

Senesi 12:5

Na ave loa e Apalamo lana avaga ko Salai, mo Lote, le vosa o lona taina, ti mo nea fuli ala na lotou maua, ti mo tagata fakasausau ala na lotou maua i Salani. Na lotou mavae loa o ano ki le fenua o Kanaane. Ti na lotou tau loa ki le fenua o Kanaane.

Senesi 13:8

Na pati loa Apalamo kia Lote : E kau kole atu kiate koe, ke aua na i ai se fefele iate au mo koe, pe i le vasaa o aku tagata tausi manu mo au tagata tausi manu ; talie e ta tautaina.

Senesi 14:12

Na lotou ave foki mo Lote, vosa o le taina o Apalamo, leia na nofo i Sotoma mo ana nea fuli ; ti na lotou ano loa.

Senesi 14:16

Na toe maua loa e ia a koloa fuli ; ti na toe maua loa e ia a Lote, lona taina, mo ana nea fuli, mo fafine mo le kakai.

Senesi 15:3

Ti na pati loa Apalamo : Ko leinei, na leaise ke soli mai kiate au soku sakoga, ti ko leia na tupu i loku fale e maua ia loa loku tofiga.

Senesi 17:12

I le valu o aso, e silikosisio loa a toe tagata fuli ia koutou, o sosolo i okoutou tautupu, tatau fuai leia na tupu i le loto fale mo leia na totogi paaga mei se tagata matapule, kae na leaise kau ki lou lanu.

Senesi 17:23

Na too loa e Apalaamo a Isemaele, lona vosa, mo latou fuli ala na tupu i lona fale, ti mo latou fuli ala na totogi paaga e ia, a tagata fuli o lona fale. Ti na silikosisio loa e ia latou i le aso lena, o mulimuli ki le fakatotonu leia na tuku e le Atua kiate ia.

Senesi 17:27

Ti na silikosisio loa mo ia le kakai fuli o lona fale, latou ala na tupu i lona fale mo latou ala na totogi paaga mei ni matapule.

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Senesi 23:6

Aliki ! fakalogo mai kia matou : Ko se aliki a koe a le Atua i loto malie o matou ; ke ke faitalisa o tanu lou mate i se tanuma fua leia e ke loto ki ai i omatou tanuma ; e leaise tasi o matou e fakafiti atu loa kiate koe lona tanuma ke tanu ai lou mate.

Uluaki tosi o Sau 15:20

Na logo loa Penatate ki le sau ko Asa ; ti na kakau loa e ia a pule o lana solia o taui a kolo o Iselaele, ti na maua loa e ia Isone, mo Tane, mo Apele-Pete-Maaka, mo Kineloti katoa, ti mo le fenua katoa o Nefetali.

Pesalemo 68:12

E tuku e le Aliki se folafola, Ti ko le kau fafine avelogo malilie e faipe se kau solia :

Taagapati 17:17

E alofa le kaukau nea i temi fuli, Ti i le malaia e fai a ia pe se taina.

Ekelesiasi 2:7

Na kau totogi loa ni tagata fakasausau mo ni fafine fakasausau, ti na kau maua loa olotou fanau ala na tupu i loku fale ; na kau maua loa ni kau pipi mo ni kau ovi, o lasi ake ia latou fuli ala na mua iate au i Selusalemi.

Selemia 41:12

Ti na lotou too loa a tagata fuli, o lotou ano loa ke taui Isemaele, vosa o Netania. Na lotou maua loa a ia i tafa o vai lalasi o Kapaone.

Tetelonome 34:1

Na pale loa Moisese mei le toafa o Moape ki le mauga o Nepo, ki le tumutumu o Pisika, leia e tuu i mua o Seliko. Na fakatio loa a ia e le Eteleno ki le fenua katoa :

Uluaki tosi a Soane 2:18

Fanau liliki, ko le ola fakamuli leinei, ti na kotou logo, e tonu ke au le atekilisito ; ti ko leinei kua mauke i le temi nei ni atekilisito : I le nea lena e tou iloa ai, ko le ola fakamuli.

Tuifakamaau 18:29

na lotou fakaigoa loa a ia ko Tane, ki le igoa o lotatou tamana ko Tane, vosa o Iselaele ; kae na igoa le kolo i mua ko Laisi.

Tuifakamaau 20:1

Ko fanau fuli o Iselaele, mei Tane o kaku ki Pele-Sepaki ti mo le fenua o Kalaate, na fakatasi loa i se loto e tasi i mua o le Eteleno, i Misipa.

Uluaki tosi a Samuele 30:19

Na leaise puli fua se fa toka tasi, pe ikiiki, pe lasi, pe ko se tama, pe ko se taine, pe ko se nea fua i koloa, pe ko se nea i nea ala na kaia mei lolatou kolo : Na toe maua e Tavite a nea fuli.